İmom Cəvod(ə),çı cuud iyən səxovəti çeşmə

İmom Cəvod(ə),çı cuud iyən səxovəti çeşmə

Imşamqo Kaszimeyni şəhri osmon çı Əhli-Beyti(ə) xanedani vılonku qıləyni matəmədən ki,ıştə cıvonəti zəmonədə bə şəhodəti məğami rəse.Xıdo-Rəsuli(s) pokə xanedaniku bıə Nəvminə İmom(ə) İmom Rıza(ə) fərzənd ki,Muhəmmdə nomış hestebe və de Cəvadi(ə) ləğəbi məşhur be.çın barzə məğami soyb bıə şəxsiyyəti mərıfətədə omə ki, İmom Cəvod(ə) ziyodə mehribon iyən xeyrxah be.milləti daston ıştə dastoon dılədə noydəbe və hamyedəbe:”Keyfə yuzəyyiu minəllahu kafiluh..çokonə ikəs dəmandə iyən biçorəy ki,Xıdovənd çəy rəhbəre?....

Şiəyon Nəvminə İmom(ə) bə dılon umu baxşeydəbe və bə milləti jıqo sədo doydəbe:”çanədə ki, Xıdo ağuşədon,çı giriftorətiyonku norohət məbənən.”və hamyedəbe:”Ləovkanətis-səməvatu vəl ərzu rətğən .....əgər osmonon iyən zəmin bə qıləy şəxsi bastə bıbu,əmmo İlahi təğva roy bıqəton,Xıdovənd çəvonku boəy qıləy hostonəti ğərol bədoe”.

Əhli-Beyti(ə) xanedani aşığon iyən piyəkəson həzrət İmom Cəvodi(ə) şəhodəti şəvi əzo libosışon bə tan kardə və İraği şimolədə Kaszimeyni şəhrədə əzodorəti dastəon bərpo kardedən.Cəvadul-Əimmə(ə) şəhodəti ruji çə həzrəti nuroniyə hərəm ki,çəy cədd İmom Kazımi(ə) kəno ğərolış qətə,de ə aşığon pure ki,de qıləy ğəm iyən ğussə ıştənışon bə Kazımeyn rosnəşone ta ıştə rəhbəri məhzərədə ıştə irodət iyən məhbbəti bə ə həzrəti nışon bıdon.əmə həm ıştə dılon bə İmom Cəvodi(ə) əzodor iyən zayiron kərvoni anqıl jeydəmon və jıqo ibroz kardedəmon:”Əssəlamu ələyk ya Əba Cəfər Muhəmmədəbnə Əliyyul-Bərrit-Təğiyy Əlimamul-Vəfiyy.Əssəlamu ələyhkə əyyuhər-Rəziyyul-Zəkiyy”.....

İslomi aziz-qramiyə peyğombər(s) ıştə tərəfdoronku piyeşe ki,bə Ğıron iyən bə ə həzrəti Əhli-Beyti(ə)  təməssık iyən çanq bəjənon ta oxoyədə bə qıləy hərəbaxtəti bırəson və xilos bıbon. Əhli-Beyti(ə) şıə ro və siyrə çı osmoniyə kitob bıə Ğıroni kəno bo bşəri hidoyətiro dıqlə əslə mənbən.İslomə dini İlahi rəhbəron jimoni mıtoliyə kardeyə bın cəhəto qıləy əhəmiyyətış heste ki,çə buzurquvarə İıahi şəxson jimoni metod və şıə ro boəmə çəmə ıştə nəzədə qətə qıləy ilqu və nımunəy.İmom Cəvodi(ə) şıə ro iyən siyrə bənə coqlə Məsumə İmomon(ə) bo həmmə insonon qıləy təsirinə nımunə və ulquy.