İlahi əsma və nomon

İlahi əsma və nomon

Həmidi ism Sirati kəlmə kəno sabit iyən ğoymə roy mənoədəy ki,dınyo jimonədə əyo hərəkət kardə kəson bə axırəti neməton səmt rahnuma kardedə.Xıdovənde-Xalığ İbreymi mıborəkə surə iminə ayədə hamyedə:”Əlif Lam Ra.kitabun ənzəlnahu.....ım qıləy kitobe ki,bətı nozil kardmone ta milləti deçəvon pərvərdıqori izni çı zılmətonku xaricko və  bə Əziz iyən Həmidə Xıdo roy bıə nuri səmt rahnumako”.çoko ki,zıneydon Siratəl-Mustəğim həmonə İslom iyən dini maarifi iyən çəy hukmon komplekse.yəni qıləy fərd ki,İslomi təlimon həmmə ğəbul kardedə və bəy rioyət kardedə,rostə royədəy.əmmo rostə roysə bəpe və barz Həmidi roye.siratəl mustəğimədə çı həxon,hukmon və sayir ğanunon bə miyon omeydə.siratəl həmid və bə tarifi loyığ vində bıə roy qıləy barzə səviyyəy ki,bın səth və səviyyədə çı muminon rəftori jıqoye ki,çəy reçinəti vində kəsi bə vəcd vardedə və sıtoyişi bə ovc iyən pik həddi rosneydə.joqo ki,Xıdovənde-Aləm Həcci mıborəkə surə 24-ə şərifə ayədə hamyedə:”Və hudu ila siratil Həmid....

Məxloğati miyono Həmid ikəse ki,həx deştə tarif bıə vəsfon bəvədə təcəlliş pəydu kardə və millət əy bəçəy çokə rəftor iyən pəsəndidə əməli xoto,bə sıtoyişi loyığe.əmmo əv fəğət Mutəalə-Xıdo sıtoyişi bə vırə rosneydə.zira çok-çoki zıneydə ki,milləti həmmə sıtoyişon bəçəy xotoye ki.Xıdovənd bəvədə bə əmonət noəşe.Əmirəl-Muminin həzrət Əli(ə) məşhurə Kumeyli dıvoədə jıqo hamyedə:”və kəm sənayi....veyə çokə sıtoyiş ki,bəy loyığ nıbim və və tı əvı çı milləti miyono hevujı karde”.....

Peyğombəre-Xatəm(s) çı Xıdovəndi Həmidi ismi komilə təcəlliye.bə həmonə dəlili xoto,bəy həm Əhməd və həmən Muhəmməd nomışon noə.joqo ki,Saffi mıborəkə surə 6-ə şərifə ayədə hamyedə:”və iz ğalə İsabnu Məryəmə və(bə yod dənə)ə zəmoni ki,Məryəmi zoə İsa votedəbe:ha Bəni-israyil ha! yəğınən az Xıdo bəşmə səmt vığandə peyğombərim.çımı bənav vığandə bıə Tevrati təsdığ kardedəm və şıməni de çımı bəpeşto omə peyğombəri ki,çəy nom Əhməde,mıjdəvoni doydəm.çən,qıləy zəmon ki,(Əhməd) boəvon ruşinə dəlil vardeşe,voteşone:ım qıləy oşkoə coduye.de kali mıfəssır iyən təfsirəvonon bəyoni Əhmədi ism və nom çı Peyğombəre-Xatəm(s) xass və xısusiyə nom bıə və həzrəte İsa(ə) oxonə peyğombəri omeyış deçəy xass və məxsusə nomi bəşorətış doə.İmom Huseyniku(ə) omə rəsə hədisədə nəğl bıə ki,ə həzrət hamyedə:yəhudiyonku i dastə çı Xıdo-Rəsuli(s) palu omin.çəvon həmməysə səvodin iyən alimə kəsi dəparseşe:bə kom dəlili əsos şımə nomışon Muuhəmməd və Əhməd noəşone.Xıdo-Rəsuli(s) hamyeşe:bəmı Muhəmməd nomışon noə.zira zəmini piyo bə sıtoyişi loyığim və Əjhmədi nomışon noə.zira osmonədə sıtoyiş kardey bıəm”......