İlahi əsma və nomon

İlahi əsma və nomon

İlahi əsma və nomonku coqıləyni Muhyi iyən Mumiti nom və ismone.Muhyi bəyji bıey,con baxş kardey iyən bə maqi zidd qıləy mənoədəy.Muhyi bənə Xıdovəndi nomi unvoni be ğeyd iyən be şərt bəyji kardey mənoədəy.Muhyiə Xıdovənd beməyon,heyvon iyən insoni,cın və firiştəon və həmmə məxloğati bəyji kardedə və bəyji oqəteydə.Məcidə-Ğıron ziyodə ayəonədə bə ım ko işorə kardedə.məsələn Rumi mıborəkə surə 40-ə şərifə ayədə  jıqo hamyedə:”Allahu lləzi.....Xıdovənd həmonə kəse ki,şıməş ofəye, peşo bəşmə ruziş baxşe.çəy bəpeşt şıməni bəkışte iyən çəy bədiqə bəyji bəkarde”......

Həyot çı Məmoti kəlmə mığobilədə jimon iyən bəyji kardey mənoədəy.Həyot Kərimə-Ğıronədə dıcurnə varid bıə.qıləyni maddi həyote ki,çı vilodəti rujiku de tosə maqi ruji rəsey,təmom de rud iyən ozavziye bə ico devron,təğziyə(hardemon) iyən hırdənon bə dınyo vardey və sayirə ki,inson iyən heyvonədə pəydu beydə.liza bə heyvoni həyot iyən jimon həm voteydən.əmmo çı Muhyi ismi  coqlə məno fəğət de maddi həyoti məhdud beydəni.bəlkəm bə qıləy barzə jimoni,bə qıləy mənəvi jimon həm işorə kardedə.

Çoko ki, Ənfali mıborəkə surə 24-ə şərifə ayə bə ın mevzu işorə kardedə və hamyedə:”Ya əyyuhəlləzinə amənu....ha imon vardə kəson ha!çoko ki,Xıdo iyən çəy Rəsul şıməş bə qıləy çiş səloş je ki,bəşmə həyot bıbaxşo,əvoni icobət(ğəbulkənən)”.ın ayə de ruşinə holəti bp həyot iyən jimoni soyb bıə kəson qıləy həyotiku sıxan bə miyon vardedə.təbiiye ım nəzədə qətə bıə həyot çı insonon məmuli iyən addiyə jimoniku farğ kardedə və ım qıləy co jimone.İslomi yolə mutəfəkkir bıə şəhid Murtəzo Mıtəhhəri bın barədə nıvışteydə:”ayəon qıləyni ki,rəsmən milləti bə dıqlə bəyjiyon iyən bımyon dastəş təğsım kardə və Ğıroni həyoti amil iyən pəyğombəri Muhyi yəni həyotbaxş iyən bəyjiəkə təğdım kardedə.ım ayə Ənfali mıborəkə surə 24-ə şərifə ayədəy ki,hamyedə:ım pəyğombər, boşımə həyot iyən jimonış vardə.şımə əlon mardəyon iyən ıştə həyoti fameydəniyon.boənən bə ım ruhoni məsiha dəm təbibi təslim bıbənən ta bıvindənən çokonə bəşmə jimon baxşeydə.”....