İlahi əsma və nomon

İlahi əsma və nomon

In ayə çı mumini həyot iyən ğeyri-muminə fərdi maqiku sıxan votedə.harçənd har dıqləyni maddi nəzəku bəyjin.ikəs ki,Xıdovənd əy deştə hidoyəti nuri bəyji kardedə.bə qıləy barzə həyoti ki,çı dınyəvi zohiri jimonisə barz və bəpeye,malik bəbe iyən çımi mığobilədə kofiron bə ın insoni ali iyən pokə həyoti nıbey dəlili xoto,mardə bə hisob omeydə.Kərimə-Ğıroni mıosirə təfsirəvon ayətullah Əbdullah Cəvadi Amuli ıştə Təsnim kitobədə jıqo nıvışteydə:”Ğıron bəyjiyə muvəhhiku(mənəvi iyən pokə həyoti soybi) zikr kardedə və kofiri çəy mığobilədə ğərol doydə.çoko ki,Yasini mıborəkə surə 70-ə şərifə ayədə həmonə mənoədə omə və hamyedə:”liyunzirə mən kanə....(ım Ğıron boçəy xotoye ki) ta bə bəyjiyə fərdon tars bıdo və(çı Xıdo) bə kofiron(ələyh bıə) votəyon muhəğğəğ(həyğət)bıbu”.ım təğabul çı muvəhhidi bəyji bıey iyən çı kofiron mardə bıey nışon doydə.....

İlahi ayəonku coqləyni ki,Muhyi şərifə nom bəvədə qıləy rolış heste,Nəhli mıborəkə surə 97-ə şərifə ayəy. joqo ki,Xıdovənde-Aləm bın ayədə haçmyedə:”mən əmilə salihən... merd ya jenonku hakəs ləyoğətinə əməl əncom bıdo iyən mumin bıbu,hukmən bəy qıləy pokə həyoti jimon baxş bəkamon və şək ni bəvon çəvon əncom doə çiysə vey çokə əcr bədomon”.ın şərifə ayə de oşkoə formə bəyon kardedə ki,çı insoni mənəvi həyot,çəy salehə əməl iyən imoniku bə şıkrəy.həlbəttə ım mənəvi həyoti ıştən dərəcə iyən mərtəbəonış heste və har qıləy nisbət ki,çı insoni imon iyən salehə əməli ziyodko,çəy təyyib iyən pokə həyot həm mevcudiyyət iyən ziyodə şiddətış pəydu kardə və çəy mənəvi,təali iyən rufi dərəcəon ziyod kardedə......

Mumit bəyjiyon kıştə kəsi mənoədəy.ım ism muti rişəkuye ki,çı həyoti zidde və qıləy çiyku ğıvvə iyən ğudrəti şıey məfhumədəy.kıştey həmişə çı həyot iyən jimoni bəpeştəy.Xıdovənd Duxani mıborəkə surə 8-ə şərifə ayədə jıqo hamyedə:”la ilahə ....ğərəz Əv hiç qıləy məbud ni.Əve ki,bəyji kardedə və kışteydə”...

Maq həm bənə həyoti dıqlə cismoni iyən mənəvi jimonış heste.qıləy zəmon ki,çı insoni pokə fıtrət de qınoon təkror kardey və həmçinin bəştə iyən bə cokəson sıtəm kardey vositə,çı Xıdopərəstətiku bə kufri səmt,çı dindorətiku bə bedinəti tərəf və mıstəğim iyən rostə royku bə kəc və inhirofə roy səmt təmayul pəyduko,mənəvi maq və mardey hosil bəbe.liza həyğiyə muminon çı xılğət,maq iyən jimoni xılğətiku hədəfi Xıdovəndi tərəfiku bıə qıləy imtovon zıneyfdən və yəğınışon heste ki,çı dınyo jimon qıləy kırtə mıddətış hest və Mumitə Xıdovənd çı maqi təmi bə həmmə kəson bəçaştovne.bəçəy xoto səy kardedə de mənəvi həyoti kəsb kardey,hiçvaxti mənəvi maqi təcrubə nıko......