İlahi əsma iyən nomon

İlahi əsma iyən nomon

İlahi əsma

Vacidə Xıdovənd bo har qıləy əməli bə vırə rosneyro kifoyət və vəs kardedə ki,irodəko və bıvoto:bıbi.və əv həm beydə.çoko ki,Yasini mıborəkə surə 83-ə şərifə ayədə hamyedə:”İnnəma əmruhu....... çun qıləy çi irodəko,çəy fərmon ıme ki,bıvoto:bıbi.çən,dərhol (əv) bəbe”.bə Vacidi bn irodə və tələbi nisbətədə qıləy noxsan varid ni və həmmə çi bə Xıdovəndi irodə əsos,ıştə kəmoli ovc iyən pik həddədə bənav şeydə. həlbəttə ım bın mənoədə ni ki,Vacidi koon bə səbəbon və bəçəvon rabitəon əsos əncom beydəni,bəlkəm bə ım mətləbi təkide ki,Vacidə Xıdo qıləy Muqtədir iyən Zumande ki,harçi ki,bə vucud omey imkonış bıbu,bəy ğadire.

Qıləy həyğiyə mısılmon çı Vacidiku ıştə qırd ehtiyocon tələb kardedə və hejo bə ikəsi dəmt dim qəteydə ki,həmmə xəzinəon kilid çəy dastədəy.Hicri mıborəkə surə 21-ə şərifə ayədə omə:”və hiççi aləmədə ni illa ki,çəy mənbə iyən xəzinə vacidə Xıdovəndi nəzdədəy.......

Macidi ism çı “Məcdi” rişəku vey buzurquvar,çok və şərofətinə əxloği mənoədəy.Macid kəmol iyən izzəti oxonə mərhlədəy və çəy qırd sıfət iyən felon çı əzəmət iyən reçinəti pikk həddədəy.Macidə Xıdovənd çı kərəm,baxşeş,fəzl,əto iyən səxovəti nəhoyəte ki,hiç qıləy məhddudiyyət nıbə holədə baxşeydə və deştə bandəon deştə kərəm,səxovət iyən ğufroni rəftor kardedə.Macid həm bənə Məcidi çəy məcd və əzəməti nəhoyət iyən oxoş ni.Macid qıləy buzurquvare ki,çəy həmmə koon şərofətine və çəy rəhmət həmmə çiyon də qəteydə .Macidə Xıdovənd qıləy çəysə həm bəpe və fevğədə qıləy co kərəm mevcud ni. rəvoyərədə omə ki,iruj həzrət Suleymon(ə) çı dıyo kəno nıştəbe.bə ikkərə çəy çəşon bə qıləy mujnə peqıniye ki,qıləy qandımi bə dıyo tərəf şıkırneydəbe. Suleymon(ə) hejo jəqo bə həmonə mujunə nəzə kardeydəbe ki,həmonə ləzədə qıləy bəbəzoxlə çı dıyoku ıştə səş xaric karde və ıştə qəvış oj karde.mujunə bəçəy oj bıə qəvi daxil be və həmonə vəzəx həm bə ovi ji şe. Suleymon(ə) i mıddət bə fik şe və çı heyrəti dılədə be.ğəflətən vindeşe ki,həmonə vəzəxi ıştə səş çı oviku bekardeşe və ıştə qəvış oj karde.həmonə mujunə çəy qəviku xaric be.əmmo çəy deştə şıkırnə qandımə donə çəy kulədə nıbe.Suleymon(ə) həmonə mujunəş vanq je və çəyku çın macəro şərh və izohış tələb karde.mujunə voteşe:ha Xıdo pəyğombər ha! çın dıyo bınədə qıləy sığ heste ki,çəy dılə hıle və çəy dılədə qıləy mele jimon kardedə ki, çəyo xaric bıey ğudrətış ni və mı çəy ruzi şıkırneydəm iyən Xıdovəndi ım vəzəxış məmur kardə ki,mıni çə həmonə melı palu bıboy.həmonə bəbəzoxlə mıni çə həmonə sıği hıli kəno bardedə və əyo ıştə qəvi oj kardedə.çən,az çəy qəviku beşedəm və ıştəni bə həmonə melı rosneydəm iyən çı qandımi donə çəy nəızdədə noydəm.peşo az bə həmonə vəzəxi qəvi dılədə oqardedəm,əv həm ovi dılədə sınov hardedə  və mıni bə oviku xarici rosneydə.peşo əv ıştə qəvi oj kardedə və az çəy qəviku beşedəm bə bi.həzrət Suleymon(ə) bə həmonə mujunə voteşe:”aya tı ım qandımə donə bo həmonə melı bardə zəmonədə çəy zıvoniku qıləy sıxanı məse?mujunə voteşe:bəle,əv jıqoş vote:ha qıləy Xıdo ki,çın sıği dılədə və çı dıyo bınədə mını çi viro bekardedəniş,ıştə rəhməti həmçinin bəştə imoninə bandəon nsibətədə həm çı yodo beməkə.......