İmom Həsən Əskəri(ə) şəhodət

İmom Həsən Əskəri(ə) şəhodət

İmom Həsən Əskəri(ə) çı İsna əşəri şiəyon yonzəminə imome,Əv Hicri-Ğəməri 232-ə sori Rəbiyul-Sani manqi həştminə ruji Mədinə şəhrədə bə dınyo çəşış oj karde və çəy nəsəb de həşt vositə bə həzrət İmom Əli(ə) rəseydə.çə həzrəti buzurquvarə pı İmom Hadi(ə) be və Məhdiye-Movud(əc) çə həzrəti fərzənde.

Əbbosi xəlifəon dayima məsumə imomon çı milləti miyono vırə və məğamiku qıləy tarsışon hestebe və bə həmonə dəlili xoto,əvoni zindonədə oqəteydəbin yaan ki,çı ciddiyə nəzorəti jiyədə kədə həbs kardedəbin.İmom Həsən Əskəri(ə) fəğət dı sornə hırdən be ki,deştə buzurquvarə pı İmom Hadi(ə) bə Samirra şəhri vardey be və çı Samirra şəhri iqlə hissədə ki,həyğətədə qıləy hərbi məntəğə be və bəy Əskər votedəbin,əyo sakin kardey bin.bın hərbi mıntəğədə jimon kardey səbəb be ki,har dıqlə ım imomon de Əskəri nomi məşhur bıbon......

İmom Həsən Əskəri(ə) vist sor ıştə buzurquvarə pı İmom Hadi(ə) kəni jimonış karde və bə həzrəti çı imoməti vəzifə əncom doeyədə koməkış karde.İmom Hadi(ə) çı Əbbosi xəlifəon zinodonədə bə şəhodəti məğami rosney bəpeştə,İmom Həsən Əskəri(ə) çı islomi umməti imoməti vəzifəş bəştə ehdəş. peqəte və şəş sor çın imoməti boş ıştə duşədə şıkırneşe.bın mıddətədə Əbbosi seqlə xəlifə de nevbəti bə hukumət rəsin.Mu`təz,Muhtədi iyən Mutəmid  ki, çəvon oxonə qıləyni  təğribən visti se sor hukumtış karde.Muhtədi iyən Mu`təz Əbbosi İmom Həsən Əskərişon(ə)  bə zindon eğandeşone.əmmo qıləy zəmon ki,Mutəmid bə hukumət rəse,çı şiəyon tərəfiku ziyodə ğıyomon bə əməl ome və Mutəmid bo əvoni orom kardero məcbur be ki, İmom Həsən Əskəri(ə) zindoniku ozodoko.əmmo ijən ə həzrət həmonə hərbi məntəğədə çı ciddiyə nəzorəti jiyədə ğərolış qəte və bo ziyodə nəzorətiro har haftə ə həzrəti bə Darul-Xəlifə vanq jeydəbe.....

İmom Həsən Əskəri(ə) bənə ıştə buzurquvarə pıon de Əbbosi xəlifəon qırd ğəddorəti iyən ciddiyə nəzorəton bə ico,de şiəyon ijən ıştə rabitəon oqəteydəbe.İmom Sadığ(ə) zəmoniku çı vəkilon şəbəkə çı milləti de ə buzurquvarə şəxson bıə rabitə koşon bəştə ehdə peqətəşonbe.çın məxfiyə şəbəkə fəoliyyət İmom Həsən Əskəri(ə) zəmonədə vey zumand be.çıro ki,çə həzrəti zəmonədə şiəyon çı İslomi dınyo qırd vıronədə pevolo bıəbin.çı şiəyon icmo mərkəzon hevujəti iyən ğeşəti qıləy mıntəzəmə rabitə təşkiloti tələb kardedəbe ta de imoəti sahə itərofo və co tərəfo həm çəvon de iyande bıə irtobot və rabitəon bərğərol bıbu.İmom Həsən Əskəri(ə) çı şiəyon miyono həmməysə barz iyən fəzilətinə şəxson vıjniyedəbe və mıxtəlifə məntəğə və məkononədə əvoni mənsub kardedəbe və de ın təriğ iyən roy vositə deştə tərəfdoron bıə rabitə oqəteydəbe.....