İlahi əsma iyən nomon

İlahi əsma iyən nomon

İntiğom qıləy həyoti əsl iyən prinsipe ki,hejo çı məmuli iyən addiyə insonon miyono bıə və hətto çı heyvonatonku idastədə mışohidə kardey bıə ki,bə intiğomi şəbohətış heste.qıləy amil ki,insoni bə intiğomi vodor kardedə həmişə iqlə amil ni.bəlkəm fərdi intiğomon motiv əksərən bo roziyəti iyən bə dıli məlhəm baxş kardey xotoye.de qıləy co iborəti çı intiğomi əksər vıronədə bə ağli əsos bıeysə ziyodə,hissi iyən bə emosiyə əsose.həlbəttə qahi zəmon intiğom iştimoyiye ki,çəy əsliyə motiv bə əğloniyyət iyən ağli əsose.ım intiğom bo iştimoyi nizomi çı hərcı-mərci və ixtiloli xətər iyən təhlukəku muhafizəroye. çunki, ehanə ım nev intiğom nıbu və mucrim iyən cani ıştə curm iyən cinoyəti mığobilədə muaxizə və qətey nıbu,çı camiyə əmniyyət,oroməti iyən səloməti həm bə xətər ebəqıniye.bəçəy xotoye ki,Kərimə-Ğıronədə həm harco ki,çı Xıdovəndi intiğomiku sıxan votedə.çəyku mənzur iyən məğsəd qıləy untiğome ki,İlahi dini həxonku iyən osmoniyə şəryəti həxon zay kardey bıbu və ziyodə vıronədə bo zolımiku çı məzlumi həxı sıeyroe.....

Xıdovənde-Aləm Hicri mıborəkə surə 9-ə şərifə ayədə hamyedə: ”yəğınən əmə Ğıronımon nozil kardemone və yəğınən əmə(həm)əy hifz bəkardemon”.co tərəfiku Rumi mıborəkə surə 47-ə şərifə ayədə hamyedə:”Muminon bəsə əməsə həxışon heste ki,bəçəvon koməki bırəsəmon.liza hejo Xıdo ıştən çı bəşəri camiyə iyən insoni aləmi həxon muhafizəkəy.binobərin qıləy zəmon ki,qıləy ğovm ya cəmyət de isyon iyən tuğyoni məşğul bıbu,bə hiç qıləy ğanuni rioyət nıko və həmən bə dini məhf kardey əsos qıləy hədəfış bıbu iyən bo bəşəri camiyə nobud kardero hərəkətko,bın surətədə zəminə bo İlahi intiğomiro hozzı beydə.binobərin çı xəlği əzob hejo deçəy curm iyən qınon bə icoye ki,bə Xıdovəndi rəhməti nozil bıey mane beydə....