İlahi əsma iyən nomon

İlahi əsma iyən nomon

De Xıdovəndi intiğomi ism iyən nomi ıştəni dərostə kəs,bəpe çı Xıdovənde-Aləmi deşmınonku intiğom bıstəno.əmmo kom kəs hejo çı insoni ıştən nəfsiku boəy deşmın bıey bəzıne.əve havaxti ki,inson bə qıləy qıno nez be və ya qıləy ibodəti tərkko,bəpe ıştə nəfsiku intiğom bıstəno.qıləy zəmon ki,ım deşmıni inson ıştə əsir bıko,çı coqlə bandəon miyono çı Xıdovəndi məşru iyən ğanuni həddo cari kardey mumkine.

Həmonə komilə inson çı İlahi əsma iyən nomon komilə məzhəre,həmçinin çı Xıdovəndi İntiğomi ismi həyğiyə məzhər bıey bəzıne.Peyğombəre-Əkrəm(s) Ğədiri-Xumi ruji məşhurə xutbədə qıləy zəmon ki,ə həzrət çı Xıdo oxonə vəliyy yəni həzrəte İmom Məhdi(əc) işorə kardedə və hamyedə:Əla innəhu Əlmuntəğimu....aqah bıbənən ki,Əv (yəni həzrət İmom Məhdi(əc))çı sıtəmkoronku sıtəm bəstəne.Əv çı Xıdo salehə bandəon nohəxədə rukardə bıə xunon intiğomi bəstəne.bəçəy xoto həzrəte Vəliiyi-Əsr(əc) de muntəğimi unvoni zuhur bəkarde ta çı torıxi həmmə zolımkoron zılmiku intiğom sıey bıbu və de Xıdovəndi salehə bandəon koməki vositə dınyo səviyyədə qıləy ədolətinə hukumət bərpo kardey bıbu......