İlahi əsma və nomon

İlahi əsma və nomon

Təğabuni mıborəkə surə 11-ə şərifə ayədə omə:”Ya əyyuhəlləzinə amənu ...Ha imon vardə kəson ha! həyğətədə şımə jimoni həmroon iyən fərzəndonku kali qıləyni şımə deşmınonin,çəvonku bərhəzərkənən və ehanə əvoni bıbaxşon iyən dəvardon,bə rosti Xıdovənd Əbaxş, Mehribone”.bın ayədə bə çoqlə əsosinə həlli roy işorə kardey bıə ki, bəçəvon əsos inson bəy bevəci kardə kəson mığobilədə çokiko və qıləy mınosibə əksul-əməl nışon bıdo.iminə ayə Əfv-e ki,çəy məno çı intiğomiku dəvarde iyən sərfı-nəzər kardeye.qahi zəmon həm tərəf mığobili baxşeydə.əmmo çəy ğəlbədə kin-kudurət baği mandedə.çən, peşonə mexanizmə Səfhe.Səfvi mərhələ çı baxşeşi mərhələsə barze ki,çı rənceşi təsiri çı dıliku pok kardedə.çımisə vey komil qıləy mərhələ ki, bəmə sıtəm kardə kəson çı intiğomi əvəzi,əmə ehson iyən infoğkəmon ki,ım həmonə ğufrane.oxonə mərhələdə rəhmət iyən mehribonətiye ki,çı insoniyyət iyən əxloği həmməysə aliyə mərhələy.....

Əfuvv bo intiğom iyən boştə həxon sıeyro ğudrətış bıə kəsi sodə iyən hoston ni.zira lozıme ki,əv ıştə xışm iyən ğəzəbi vəy qətey və əy nıştovney zıneyro,bəpe ıştə sofə həxıku dəvardo.bə həmonə dəlili xoto Kərimə-Ğıron milləti bo iyande əfv iyən quzəştiro təşviğ kardedə və boəvon qıləy mıkofot iyən səvobış nəzədə qətə ki,Xıdovəndi əvış bştə ehdə peqətə.çoko ki,Şura mıborəkə surə 40-ə şərifə ayədə hamyedə: ”....və cəzaun......və çı bədi cəzo bənə əy bıə bədiye,əmmo hakəs ki, dəvardo və ıştə ko ıştə deştə Xıdo miyono islohko,çəy mıkofot bə Xıdo ehdəy.İmom Əli(ə) həm bın barədə hamyedə:”şeyani la yuzənu səvabuhuma:ələfvu vələdlu.dıqlə çi ki,boçəy səvobi əzəməti ğeymət noey mumkin ni.qıləyni əfv və quzəşt kardey iyən coqləyni ədolət və insofe......