İlahi əsma iyən nomon

İlahi əsma iyən nomon

İlahi rəhmət de vəsf nıbə hevujəti bə hestemoni aləmi həmmə zərrəon vucudi con baxşeydə.jıqo qıləy Xıdo mehribonəti tələb kardedə ki,çı xəy iyən şərə roy və reçinəti iyən bevəcəti roy bəştə bandəon nışon doydə.liza çandə qılə peyğombəronış vığandə ki,əvon həmmə çı aləmi sıftəku de tosə çı Xıdovəndi bə milləti bıə rəhmti cilvə bıə.əmmo qırd çın peyğombəron miyono oxonə peyğombər Muhəmməd Mustəfo(s) de rəufi nomi mıftəxər bıə.joqo ki,Tobə mıborəkə surə 128-ə şərifə ayədə omə:”ləğəd caəəkum.....yəğınən qıləy peyğombər çəvon ıştəniku bəçəvon səmt omə ki,şımə bə məşəğğət eqıniye boıy vey saxte.boşmə(hidoyətiro)şiddətinə iştiyoğış heste və bə muminon nisbətədə rəuf iyən mehribone.ım tevsif ım həyğəti bəyon kardedə ki,çunki,Xıdovənd iyən çəy peyğombər Rəuf iyən Rəhime. çəvon tərəfdoron həm bəpe jıləvoni bıbon.joqo ki,çı milləti renc iyən saxtiyon boəvon vey qon omeydə və əvon həmişə səy kardedən çı milləti norohətçiyon və zərəlon dəf iyən bərtərəfkon və çəvon hidoyət iyən çəvon çı nemətonku bəhrə bardey koyədə səy və cəhd kardedən.çın şərifə ismi barziə misdoğ iyən nımunəonku qıləyni çı şiəyon həştminə İmom Əlliyybini Musər-Rıza(ə).Rəuf çə həzrəti məxsusə ləğəbonku qıləyniye.harçənd Əhli-Beyti(ə) həmmə çı həzrəte həxı rəfəti təcəlli pəydu kardə babonkuye, əmmo çı şiəyon həştminə İmom Əlliyybini Musər-Rıza(ə) ım rəəfət iyən mehribonəti ziyodə təcəlli iyən zuhurış heste və de Əllomə Təbatəbayi təbiri:”inson qıləy zəmon ki,bə Rəzəvi(ə) hərəmi daxil bıbu, mışohidə kardedə ki,çə İmomi və həzrəti hərəmi bə iyən divoku rəfət voyedə”.qıləy şəxs çı Bəlxi əhliku ki, İmom Rıza(ə) çı Mədinəku bə Xorasani səmt səfə zəmonədə de ə buzurquvari bə ico be,votedə:qıləy ruj çı roy miyono xorəki sufrə dəğandə bıəbe.ə buzurquvar ıştə xadimon iyən ğulamon ısət çı siyoə pust bıbu ya sipiyə pust həmmə əyo cəm bıəbe,az voteme:az bətı fədo bıbum.vey çok nıəbi ki,bımon qıləy co sufrə dəğandə bıəbe?ə həzrəti hamyeşe:həyğətən çəmə Xıdo iqləyniye.çəmə həmmə pı-mo iqləyniye və çəmə mıkofot deçəmə əməlon əloğədore.nəyinki,de siyo,sipyiəti,post iyən məğami.həlbəttə bəpe çı  İmom Rıza(ə) jıqo rəftoriku çə həzrəti mənəvi dıjdə məğami kənoyədə ğərolış qətə ta çə həzrəti rəfət iyən mehribonəti ziyodə formədə cilvə pəyduko və bə coqlə milləti qıləy dərs bıbu ki,bə qıləy post iyən məğami rəsə zəmonədə ıştəni bəsə cokəsonsə barz qəteydən və təkəbbırəti kardedən.....