İlahi əsma iyən nomon

İlahi əsma iyən nomon

Malikul-Mulk ikəse ki,qıləy mulk iyən molış heste.həmmə çəy fərmoni jiyədən və əv bə həmmə çiyon  qıləy təsəllut iyən seytərəş heste.çın seytərə həm mənşə həm ğərəz ımi ni ki,Xıdo hestemoni aləmi ofəyəkəs bıbu.təbiiye ki,ım qırd məxloğatış çı ədəm iyən hiççiku ofəyəşe,həmçinin çəvon vucudi malike və çı har qıləy maliki şən iyən xısusiyyət ıştə mılkədə bıə tədbir iyən təsərrıfe.

Xıdovənde-Xalıığ Ali-İmrani mıborəkə surə 26-ə şərifə ayədə hamyedə:”ğul Allahumə....vuji:Xıdolim ha! ha əkəs ki,həmmə çi bətı məxsuse.tı harki bıpyoş hukumət iyən mol bəbaxşeyş və harkiku bıpyoş hukumət iyən moli (bə dumo)bəstəneyş hakəsi bıpyoş izzət bəbaxşeyş və harki bıpyoş zəlil bəkardeyş.həmmə çiyon fəğət ıştı dastədəy.həyğətən,tı bə harçi ğadiriş”....

Binobərin Malikul-Mulk çı harçi təsərrıfəkəy və çəy irodə lozımul-icroye və çokonə bıpyişe bə vırə rosneydə və hiçkəs çəy hukm iyən fərmoni darıştey və ya çəy vəy qətey nibəzıne odəmi dığğəti cəlbəkə çi ıme ki,ofəyəkəs iyən məxloği miyono inev qıləy təkvini rabitə mevcude və harçiyədə bıə təsərrıfi malik və soybe və çəy irodə  lozımul-icroye və çokonə bıpyişe əy bə vırə bərosne və hiçkəs çəy hukm iyən fərmoni darıştey və ya çəy vəy qətey nibəzıne.odəmi dığğəti cəlbəkə çi ıme ki,çı ofəyəkəsi deçəy məxloği miyono qıləy təkvini rabitə mevcude və həmonə ım rübitə çəy hukmronəti iyən sultə həxı bəçəy məxloği nışon doə sərçeşməy.binobərin ın ayə ki,hamyəşe:Malikul-..ımi ruşinə formədə dərəsey beydə.zira Xıdovənd həyğiyə malike və bə hakəsi ki,bıpyişe hukmronəti əto bəkarde,bədoe.çoko ki,jıqo qıləy hukmronəti və hakimiyyət bə həzrəte Suleymon(ə) peyğombəri əto kardey bıə.oxoyədə ımi həm bə yod dənoydəmon ki, ehanə Xıdovənd ıştəni Malik zıneydəbu və hamyedə ki,bə hakəsi bıpyimone bədomon iyən çı harkəsiku bıpyimone bə dumo bəstənemon.hakəsi əziz iyən və hakəsi bıpyimone zəlil bəkardemon-bın mənoədə ni ki,Xıdovənd qıləy cəhət iyən səbəb nıbə holədə ım ko əncom bədoe.zira Əv adil iyən hikməti soybe və hiçvaxti qıləy bihudə və əbəsə ko bə vırə nibərosne.çoko ki,Sadi mıborəkə surə 27-ə şərifə ayədə jıqo hamyedə:”və ma xələğna....əmə osmon iyən zəmin və çəvon miyono ğərol qətə çiyon botıl iyən behədəf ofəyəmon ni.bəlkəm Xıdovəndi əto kardey iyən bə dumo sıey,çı qıləy məsləhəti sayədəy ki,Həkimə Xıdovənd çəvonku aqah və xəbədoye......