İlahi əsma iyən nomon

İlahi əsma iyən nomon

Bə rəvoyəton əsos İsrafili ixtiyorədə firiştəonku iborət qıləy ləşkər heste.qıləy zəmon ki,rostpebemoni ruj nez bıbu,Xıdovənde-Xalıığ bəvon dəstur bəkarde və əmr bəkarde ta çı ğıyoməti ruji zəminə hozzıkon.çəy bəpeştə bəştə suri pu bəkarde,həmmə məxloğat bəmardeyn iyən dınyo bə oxo bərəse.çəy bədiqə ijən sənibəton bəştə Suri pu bəkarde ta həmmə mevcudot iyən məxloğat bəyji bəbeyn və həmmə kəson çı Ğıyoməti səhnədə qırdə və cəm kardey bəbeyn.

Qıləy muminə inson de Xıdovəndi Camii nomiku komək sıey,ıştəni de çok iyən pəsəndidə sıfəton dərostey iyən de bə tohid iyən Nəbəvi sınnət iyən ğanunon şanq jıey və çı şırk iyən bidətiku bə diəro mandey məşğul beydə....

Əzizə duston! Imrujnə bərnomədə çəmə çəyku bəhs kardə Xıdovəndi coqlə ism Mane ism və nome. Mane qətey iyən oqətey mənoədəy.ım şərifə ism çı Xıdovəndi Cəloliyyə ismonku qıləyniye.ehanə şımə yodoədə bıbu,dəvardə proqramonədə votemone ki,Cəloliyyə ismon ə ismonin ki,çı əzəmət iyən barzəti və bəpe bıey nışonəy iyən bəvonədə ğəhr,ğələbə iyən seytərə mevcude.çın ismon mığobilədə coqlə qrup yəni Cəmoliyyə ismon ğərolış qətə.bənə Rəhim,Lətif,Şafi iyən Hadi nomon ki,bəvonədə rəhmət,lutf iyən şoyvonəti ləpə jeydə və bə unsiyyət,eşğ iyən məhəbbəti boyis beydə.Cəmoliyyə ismon bandə bə Xıdovəndi şeyda iyən aşığ kardedə.joqo ki,əv Xıdovəndi bəştə vey nez hiss kardedə.əmmo Cəloliyyə ismon bandə bə yol iyən barzə məğaminə Xıdovəndi nisbətədə  tars,xof iyən xəşiyyəti boyis beydə. Həmonə Xıdovənd ki,bə insonon qırd əməlon iyən sıxanon nazir və nəzorət kardedə.həlbəttə vey reçin iyən cozibədorə nuktə ıme ki,ım dıqlə dastə zohirədə iyande mığobilədəy.həyğətədə əvon iyande təkmiləkən və iyandeyku co nin.Mane ism qahi zəmon insoni çəy piyə uyən bəy meylış bıə çiyku ısət çı maddi bıbu ya mənəvi mənko və bəy mane bıbu.çı Xıdovənde-Mutəali ın mane bıey bəçəy hikmət iyən rəhməti əsose.Xıdovənd bəştə məsləhət iyən mənafe əsos,əy zohirədə mənfəətış bıə kali koonku oqəteydə.çıro ki,mane bıey iyən oqəteyədə ziyodə mənfəət iyən foydə heste və ziyodə bəloon odəmiku bə diyəro kardedə.de qıləy co iborəti Mane şərifə ism bə ziyodə bəlo iyən telə hodisəon rəsey mane beydə....