Ğərbi Asiyə hodisəon
Ğərbi Asiyə hodisəon
Ğərbi Asiyə hodisəon
Dəvardə haftədə fələstınıjon çı Fələstıni İslomi Mığoviməti Hərəkoti(Həmasi) tə`sisi sivı pencminə sori idə mərosimon bərpo kardeşone.ım Hərəkot milodi 1987-ə sori dekabrə manqi 14-ə torıxədə de şeyx Əhməd Yasin iyən de İxvanul-Muslimini rəhbəronku çandə nəfəri təvəssuti Ğəzzə tanqədə təşkil kardey be.Həmas bın 35 sornə prosesədə bə ruşd iyən inkişofi səmt qıləy hərəkotış kardə.milodi 2006-ə soriku bəpeşt Həmas həni bənə qıləy mığoviməti qrupi və ya sırfən bənə qıləy hərbi təşkiloti nəzə ne,bəlkəm bənə qıləy siyosi mığoviməti dastə ki,səy kardedə milodi 2006-ə sori vıjnemoni bədiqə ğudrət iyən hukuməti bə dast vardey bəpeştə mığovimət iyən siyosəti tərkib hissəşon təşkil doe.
Həmonə istiğomətədə İsmoyl Həniyyə çı Həmasi siyosi ofisi rəyis çın hərəkoti təsisi sivı pencminə sori sorəqardışədə jıqo voteşe:”Həmas çı siyosəti de mığoviməti miyono qıləy rabitəş bərpo karde və siyosət hiçvaxti çı mığoviməti proje mığobilədə bıəni və hətto qıləy zəmon ki,əmə səçınədə səbarz və ğalib bimon,devlətımon təşkil doe və mığovimətımon hifz karde və mığovimət çı Həmasi devləti sayədə haruj zumand be.joqo ki,ko de Məhəmməd Zeyfi komandirəti Ğəssam nomo qıləy ləşkəri təşkil kardey bə oxo rəse”.
Həmasi çandə da həzo nəfər tərəfdoron dəvardə çoşanbə rujon Ğəzzədə de Həmasi tə`sisi sivı pencminə sorəqardışi idə mərosimədə iştirok kardey “Bə Ğudsi səmt bənə bə cuş omə oveyzi omeydəmon” şuori vanq jeydəbin.çı mərosimi səkku mərkəz de İslomi iyən de İslomi Respublikə pərçəmon dərostə bıə bin. Həmasi elonış karde ki,çı islomi iyən ərəbə kişvəron iyo rost kardey dəlil ıme ki,Məscidul-Əğsa bəpe çı həmmə İslomi kişvəron məxsusən çı Fələstıni milləti muhimmə ğutbnomə bıbu və həmişə iminə dərəcədə baği bımando.bın mərosimədə çı Həmasi kadron uzvon və Fələstıni mıxtəlifə qrupon və çəy hərbi xıçəon çı Fələstıni ğanun noə Məclisi nımoyəndəon iştirok kardedəbin.
Fələstıni İslomi Mığoviməti Hərəkoti(Həmasi) rəhbəron iyən komadiron bın mərosimədə bə mığoviməti dəvom pəydu kardey təkid kardeşone ta Fələstıni sərzəmin tam şikilədə ozod bıbu və işğaləkəyon məf kardey bıbu.Həmasi Hərəkoti komandir Yəhya Əssənvar Ğəzzə tanqədə ıştə sıxanonədə təkidış karde ki, Həmas bə işğaləkə sehyonist rejimi bo əsiron mubadilə əncom doey təkmil kardero qıləy mıəyyənə zəmon doydə və çı sehyoniston tərəfiku ım vaxti bə hədər doə zəmonədə ım hərəkot çı sehyonistə əsiron pərvəndə və dosye idəfənin bəbaste və boştə fələstınıjə əsiron ozod kardero coqlə şivə və metodi bəvıjnemon.Yəhya Əssənvar Ğəzzə tanqədə çı Fələstıni millətiku ki,mıhosirə dılədəy,çəvon irodəş darıştış zınəni iyən çı sehyoniston qırd ım cinoyəton iyən təcavuzon bəçəvon yəni bə Ğəzzə tanə milləti zumandə irodə qıləy ziyonış daxil kardeyış zınəni.Yəhya Əssənvar bo Məscidul-Əğsa iyən Fələstıni sərzəmini mıdofiyə kardero və həmən bo Fələstıni sərzəmini komilə surətədə bə İslomi ummət iyən Mığovimət qrup iyən Hərəkoton həmmə bo oxonə canqi hozzı bıeyro zərurəti təkid kardeşone....
