Bə Həzrəte Fatimə(s)-i şəhodəti aid bıə bərnomə-4

Bə Həzrəte Fatimə(s)-i şəhodəti aid bıə bərnomə-4

Peyğombəre-Əkərəmi(s) azizə kinə bıə Həzrəte Fatmə(s) ziyodə sıtoyişəkəyonış heste və çə həzrəti fəziləton,mənağib iyən məğamonku veyə mədhon bıə ki,dust iyən deşmın bə həzrəti kəmol iyən əzəməton etırofon və tarif kardəşone.

Həzrəte Fatmə(s) Xıdovəndi dərqoyədə jıqo azize ki,çandə kərə Xıdovəndi bəy inoyət və işorə kardəşe.rəvoyətədə omə ki,ruji həzrət Əli(ə) vey vəşi qətəbe və çı Fatməku(s)  i mığdor təam və xorəkış tələb karde.Həzrəte Fatmə(s) çə həzrəti cəvobədə voteşe:ha Əli ha! kədə bo hardey qıləy çimon ni.həzrət Əli(ə) hamyeşe:Fatməcon! Çıro ım mətləbı çımi bənav bəmı nıvote ki,ta az qıləy çi boşmə iyən bo hırdənon hozzıkəm.Həzrəte Fatmə(s) voteşe:ha ƏbəlHəsən ha! mı Xıdoku həyom karde ki,tıni bə qıləy çi vodorkəm ki,tı bəvədə məşəğğətədə bıbuş.

Həzrəte Əli(ə) kəyku xaric be və iqlə dirhəmış ğarz karde.təodufən roysə bə ə həzrəti çı Xıdo-peyğombəri(s) buzurquvarə əshob Miğdod ibn Əsvəd peqıniye ki,bə qami şiddəti xoto,çəy dim vey sı bıəbe.çəyku sıvol kardeşe:Miğdod çiç bıə ki,bın qamə həvoədə çı kəyku xaric bıəş? Miğdod ibtido və sıftədə dılış nıbe qıləy çi bıvoto.əmmo de Həzrəte Əli(ə) isror kardey ərzış karde:ha ƏbəlHəsən ha! ısət ki,isror kardedəş bə Muhəmmədi(s) bə nıbuvvəti rosnə iyən tıni çəy vəsiyy vıjniyə Xıdovəndi ğəssəm ğərəz dast təyliyəti co hiççi mınış çı kəyku xaricış kardəni.az qıləy holədə ki,çımı xıyzon de şiddəti vəşyan bin və bio hardero hiççi nıbe,kəyku xaric bim.Həzrəte Əli(ə) çəşon de ın sıxanon məsey de arsi pur be və cokəsiku ğarz kardə həmonə dirhəmış bə Miğdodi doşe və ıştən həm məçiti səmt şe və zojhr iyən səri nımojış çı Xıdo-Rəsuli(s) peştono handeşe.nımoji bəpeşt Xıdo-Rəsuli(s) çı nımoji iminə səfədə bıə həzrət Əliş(ə) vinde və bəçəy səmt şe və dəparseşe:ha ƏbəlHəsən ha! aya kədə qıləy xorəkı heste ki, mıni ıştə mehmonkoş?Əli(ə) dast xəcoləti ıştə səş saru qəte və sərqərdon mande ki,Xıdo-Rəsuli(s) cəvobədə çiç bıvoto? Xıdo-Rəsuli(s) çoko ki,çı Əli(ə) sukutış vinde,hamyeşe:ha ƏbəlHəsən ha! ya bıvot ne ta az oqardom və ya bıvot ha ki,az bışom çı Fatmə(s) palu.Əli(ə) ərzış karde:təşrif biyənən.Xıdo-Rəsul(s) çı Əli(ə) dastış qəte və bə ə həzrəti kə tərəf bə ro dəqınin.Fatmə(s) ıştə nımojış votəbe və ıştə musəlloədə nıştəbe ki,çəy peştono həm qamə xorəki buxar rost beydəbe.ə həzrət çoko ki,ıştə pı sədoş məse,ıştə vırəku rost be və bə ə həzrəti səlomış doe.Xıdo-Rəsul(s) çı Həzrəte Fatmə(s) səlomi cəvobış de qamə formə doşe,deştə mıborəkə daston ıştə azizə kinə səş nəvazişış karde və hamyeşe:çımı azizə kinə! bomı tikəy xorək biyə.Fatmə(s) şe və boştə pı xorəkış varde.Həzrəte Əli(ə) çoko ki,xorəkış vinde,təəccıbış karde və sıvolış karde:Fatməcon! Im xorək çı komcoye? əmə ki,hədəmon hiççi nıbe?Xıdo-Rəsul(s) ki,jıqo bızın de İlahi firiştə və mələki vositə çə həmmə çiku xəbədo be,ıştə mıborəkə dastonış çı Əli(ə) amonsə noşe və hamyeşe:”ha Əli Ha! ım qıləy osmoniyə mayidə və sufrəy ki, Xıdovəndi bənə Məryəmi(s) bə Fatmə(s) çı vəhışti təamonku mərhəmətış kardə”.....

Həzrəte Fatmə(s) siyrə və rəftoron coqlə cəhətonku bə ə həzrəti kədorəti işorə cəhəti işorə kardey bəbe.Həzrəte Fatmə(s) deməkə ki,ıştə əsri camiyədə qıləy barzə məğami soyb və çı Xıdo-peyğombəri(s) kinə be,çı kə koon əncom doeyədə ıştə dasto omə har qıləy ko bə vırə rosneydəbe.Həzrəte Əli(ə)  bə Bəni –Sədi ğəbiləku bıə qıləy merdi ıştə de Zəhro(s) bıə jimoni vəzyəti həxədə jıqo hamyəşe:”Fatmə(s) deməkə ki,çı peyğombəri(s) xanedani miyono çə həzrəti palu həmməysə mahbub iyən azizə kəse,əmmo çımı kədə beyədə anədə qandım osyoədə horedəbe ki,çəy daston çığıl jeydəbe.bə kə nəzofət iyən təmizəti xoto çəy oləton hejo xoki dılədə be.joqo ki,bo nun iyən xorəki patero otəş sənedəbe ki,çəy oləton ranb əvəz beydəbe və bə kədə koy ziyodə həcmi xoto  bə renc iyən məşəğğəti eqıneydəbe..