İmom Məhəmməd Bağır(ə)

İmom Məhəmməd Bağır(ə)

Hicri-Ğəməri 57-ə sori de bərəkəti pur bıə Rəcəbi mıborəkə manqi iminə ruji İmom Məhəmməd Bağır(ə) Mədinə şəhrədə iyən çı İmom Səccodi(ə) nuroniyə kədə bə dınyo çəşış oj karde.ə həzrət hejo ıştə hırdənəti zəmoniku de ziyodə elmi iyən elmon poə kardey məlum be ki,bo imoməti məğamiro ləyoğətış bıə qıləy İlahi şəxse.

İmom Məhəmməd Bağır(ə) bənə sayir məsumon(ə) çı Kərimə-Ğıropni təkid kardə əxloğiyyati soyb be və çə həzrəti vucudədə dəvəşə ziyodə əxloği barzə xısləton mevcud be.İbn Şəhr Aşub ıştə mənağib kitobədə çə həzrəti həxədə jıqo nıvışteydə:”Əv milləti miyono həmməysə rostəvıj,həmməysə veyə ojə dim və həmməysə əbaxşə şəxs be”..

Deməkə ki,Əhli-Beyti(ə) miyono İmom Məhəmməd Bağır(ə)kamə sərvəti soyb be,əmmo ə həzrət ıştə molonku bə fəğır-fuğəron ziyodə infoğ iyən baxş kardedəbe.İmom Məhəmməd Bağır(ə) Cımə ruji i dinor sədəğə doydəbe və hamyedəbe:”sədğə Əynə ruji bəçəy çı coqlə rujonsə fəzilətin bıey xoto dı bərobəre”.