De Həzrət İmom Əli(ə)-i vilodəti ruji mınosibəti
De Həzrət İmom Əli(ə)-i vilodəti ruji mınosibəti
De Həzrət İmom Əli(ə)-i vilodəti ruji mınosibəti
Odəm(ə)zəminədə de Beytul-Məmuri yodi qıləy kəş soxte ta de bandəon ibodəti vositə hejo obod bıbu. rujıqor de ın minvali dəvarde tayinki,çı Odəmi fərzəndon miyono ixtilof eqıniye və kali qıləyniyon de iyande deşmon bin.şəyton ın dəfə dılış hestebe insonon çı Xıdo Kəyku xaricko.çoko ki,çəy pı çı Beytul-Məmuriku həmonə Xıdo ibodəti kəyku xariciş karde.əv çı Xıdo Kəy ovdonətiku vəhşətədə be,çən qahi zəmon çəy vironə kardeyədə və çəy çı viro bekardeyədə səyış kardə və qıləy coqlə zəmonədə bıton bəvədə vırə bə vırəşon karde iyən bıtpərəstişon çı yektapərəstəti vırədə ğərolış doe....
Nuh(ə) iminə ululəzm peyğombər be ki,nəvsa sor de şəytoni mıborizəş barde və insononış bə vohidə Xıdovəndi ibodəti səmt vanqış karde.əmmo çı millətiku fəğət qıləy kamə dastə deə həzrəti bə ico bin. qıləy zəmon ki,Nuh(ə) çı qınokorə milləti inodkorətiku bəştə Xıdo şikoyətış karde,osmoniku anədə voş voye ta zəmin bənə iminə ruji bə dıyoon dılə ğərğ be və həmmə qınokoronış ebordıneş və ğərğış karde. çoko ki,əzobi zəmon bə oxo rəse,ijən zəmin poko-pokizə çı dıyoon dıləku səş rost karde və ıştə piyo bə çokə ko soybon vırəş doe.
Əmmo ijən şəytoni dastış nıpeqəte və əv de tobə ğıyoməti ruji çı Xıdovəndiku mehlətış sıə be ta çı Odəmi fərzəndon bə dast dəno.ın dəfə Xıdovənd İbreymış(ə) məmur karde ta əv insonon hidoyətko.əv çı Xıdo Kə Kəbəş ijən binaş karde ta həmonə vırə bo vohidə Xıdopərəsəton qıləy orom iyən əmnə vırə bıbu.çə rujiku de tosə ımrujnə ruji Kəbə kə de ziyodə etat-petati dimbədim omə.qahi zəmon fəğət de iqlə həyğiyə insoni təmom kayinatış ıştə qırdo qordınəşe və qahi zəmon həm de qıləy dıjdə izdihomi dimbədim omə ki,çı insoniyyəti həyğətiku buş bardəni iyən fəğət əvon zohirədə bənə insoni bıən.qırd bın etat-petatonədə çı İbreymi(ə) nəsliku şəxson bıən ki,bə Kəbə Kəşon komək kardə və çəy yavər bıən və bəy de şəytoni dəsisə iyən məkrinə planon mıborizədə koməkışon kardə.....
Çı Kəbə Kə bə bıtpərəstə insonon dardiku norohət bıə rujonku qıləyni həmki,oxoyədə de qıləy məzlumiyyəti ıştə Xıdoku şifo tələb karde və Xıdovəndi çəy dınvo mıstəcəb iyən ğəbul karde və İbreymi(ə) nsəliku qıləy fərzənd bıə Muhəmmədi(s) bə ın zəmini vığandə ruje.Kəbə Kə çandə soron bə Muhəmmədi(s) buzurquvarəti iyən yolyəti şoyd be.Muhəmməd(s) be ki,jıqo bızın həmmə zəmin iyən osmonon çı Kəbə Kə ətrofədə qordınışe və deçəy huzur iyən iştiroki Kəbə Kə ıştə qırd dardonış çı viroş bekarde və ısət çəy həmmə dardış Muhəmməd(s) bıəbe.