De Həzrəte Zeynəbi(s) rehləti ruji mınosibəti

De Həzrəte Zeynəbi(s) rehləti ruji mınosibəti

Rəcəbə manqi ponzəminə ruj çı Həzrəte Zeynəb(s) bəfoti ruje.qıləy boho ğədrinə banu ki,çəy şəxsiyyət de həmməysə barzə səviyyədə bıə əxloği fəziləton umuj qıniyə.qıləy banu ki,çı İslomi tale həlləkə zəmoni iqlə hissədə de İlahi oxonə dini hədəf iyən ideyalon mıdofiyə koy məşğul be və de qıləy zumand irodə və mislış nıbə səbri səyış karde  ta çı həyğəti sədo bə qırd ıdnyo quş bırəso.ərze təsliyyət.....

Həzrəte Zeynəb(s)bənə həzrət Əli(ə) pı iyən bənə həzrət Fatmə(s) inə kədə perəse,yol be və çın dıqlə barzə məğami soyb insoni,ıştə cədd peyğombəri(s) iyən ıştə məsumə bıvon vucudiku ziyodə bəhrəonış barde.çoko ki,çı peyğombəri(s) elm iyən mərıfətiku qıləy təcəssın,çı həzrət Əli(ə) şucoətiku qıləy mehkəməti,çı həzrət Fatməye-Zəhroku(s) qıləy bəforoəti iyən conbozəti təmsil,çı İmom Həsəniku(ə) qıləy səbr iyən helm və çı İmom Husenyni(ə) şəhomət iyən şucorətiku qıləy təsvirış təcəssımış karde.....

Həzrəte Zeynəb(s) elm iyən mərıfəti mərtəbəonku ziyodə tevsifon zikr kardey bıə.ə həzrət ıştə zəmonə toyki iyən zılmətə fəzoədə de qıləy tijə bəsirət iyən diroyəti bənə qıləy ruşinə ço bə həyğəton dətıve və  Huseyni(ə) ğıyom və inğılob iyən təbyini cihodi ğərhrəmonətiş ış de tobə ğıyoməti ruji əbədiş haşte.təbyin yəni bə toykətiyon səmt ruşinə vığandey,de duyə təblioğoton canq kardey,pardəon bə kəno jıey iyən həyğəton oşko kardeyku iborəte be ki,bəpe ın muhimmə ko de qıləy dıjdə mıcohidəti bə vırə rosney bıənin be.Həzrəte Zeynəb(s) de jıqo qıləy mıcohidəti nəyinki,çı deşmınon bo Aşurə vağiyə iyən həyğəton təhrifi koyədə məkrinə planon vəyış qəte, bəlkəm Aşurə vağiyədə bıə İlahi peyğom iyən mesajonış bo həmmə insonon əbədiş oqəte....

Məhrrəmə manqi daminə ruji əsri zəmonədə qıləy holədə ki,bə nəzə rəseydəbe həxə ğıvvə komilə surətədə məğlub bıə,Zeynəbe-Kubra(s)ıştə cihodış de coqlə froməş binoş karde.joqo ki,çı həxə cəbhə zohiri məğlubiyyət bə qıləy ğətiyə səbarzəti təbdil be.İslomi ın yolə banu əsorət qıləy fırsətış pəydu karde ki,şəhr bə şəhr yəni Kərbəloku bə Kufə.çəyu bə Şam və peşo Şamiku bə Mədinə şəhronçı vəhışti sərvər iyən əğə bıə Huseyn ibn Əli(ə) kıştə bıey,çəy de kom kəsi dasti iyən boçi və çokonə şəhid bıeyış bə milləti rosneşe.Zeynəbe-Kubra(s) bo Aşurə mesaji təsirin kardey iyən əy dınyo səviyədə əbədi oqəteyro ıştə həmmə sərmoyəonku okoş doe ta çı hukuməti aparati hevujə formədə bıə psixoloji əməliyyoti vəy bıqəto.çıro ki,yəzid de şayiəon və duyə təblığoton şivə və metodi səy kardedəbe ki,iştimoyi fikon bəştə səmt cəlbko.yəzid bənə ıştə pı mıoviyə de ləkədor kardey texnikaku ok doey iyən həyğəton ibxaşiku punhon kardey vositə bə Şami milləti jıqo ilğo kardedəbe və votedəbe ki,hakim bıə nizom de ikəsi canqış kardə ki,çı hukuməti mığobilədə xurucış kardə və bə hukumət ələyh beşə.əv çı İmom Husenyni(ə) bə zılm və beədoləti ələyh bıə ğıyomış bə xəlidə ələyh bıə xurucış təbdilış kardəbe.....

Həzrəte Zeynəbe-Kubra(s)çı həyğəton təbyin iyən ruşin kardey koyədə i ləzə həm nımande.ım şucoətinə banu Şami sərzəminədə qıləy vırə ki,mıoviyə çə vırə camaati dılonış de bə həzrət Əli(ə) iyən bəçəy fərzəndon ələyh bıə kin-kudurəti purış kardəbe,ə həzrəti əvonış həmmə ifşoş karde.mıoviyə zoə yəzid de Usəro kərvoni bə Şami məntəğə rəsey,de şəhri yolon huzur iyən iştiroki qıləy şahonə məclisış tərtibış doe iyən təşkilış karde.əv qıləy holədə ki,deştə dastədə bıə çu çəy mığobilədə bıə bə İmom Husenyni(ə) təşti dılədə bıə pok iyən mıborəkə dandonon jeydəbe,voteşe:kaş çı Bədri canqədə kıştə bıə bəni-uməyyə yolon iyo hozzı bıəbin və əvindin ki, çokonə az çəvon intiğomım çəvon ğatilon fərzəndonku seme.

Bın zəmon Həzrəte Zeynəbe-Kubra(s) ıştə vırəku əyşte və de bə Kərimə-Ğıroni Ali-İmrani mıborəkə surə 178-ə şərifə ayə istinodən ki,bə sıtəmkoron mehlət doey İlahi sınnət və adət zınedə,hamyeşe:yəzid,lıski ahəstə və qədə-qədə.aya Xıdovənde-Mıtoəli kəlomı çı viro bekardə ki,hamyedə:”əvon ki,bə kufri roy(səmt)şin,qımon nıkon ki,əmə bəvon qıləy mehlət doydəmon, (ım)boçəvon holi vey çok bəbe.bəlkəm(əmə) mehləti(bo imtovoniro)doydəmon ta (çəvon) tuğyonqərəti ziyod bıbu və boəvon qıləy xar(və zəliləkə) əzob heste.”....

Peşo ə həzrət de qıləy ağılmandə cumləon bəştə de Xıdo-Rəsuli(s) bıə nezəti nisbəti işorəş karde və ijən bə yəzidi jıqo işorəş karde:”ha çı ozod bıə kəson zoə ha!aya ım ədoləte ki,ıştə jenon iyən kinon çı pardə peştono oqətə,əmmo çı Xıdo-Rəsuli(s) kinon əsirı kardə və çəvon abru iyən hurməti çı miyoniku bardedəş?”.(yəbnət-tuləğa termin iyən istiloh çı ozod bıə kəson zoə mənodə və bə Məkkə fəthi macəro işorə kardedə ki,bın vağiyədə əbu sufyoni kədə bıə mıoviyə iyən çandə qılə kofiron cəm bıəbin.Xıdo-Rəsuli(s)hamyeşe:”ımoni ozodkənən.ımon əsironin ki,əmə əvon ozod kardemone).peşo Həzrəte Zeynəbe-Kubra(s) Uhudi canqədə bə yəzidi xanedani siyuə sabiğə və torıxi işorəş karde ki,deçəy yolə mo hində təvəssuti çokonə çı Xıdo-Rəsuli(s) amu həzrəte Həmzə(ə) ciqərış harde.ə həzrəti haçmyeşe:çokonə bə ikəsi ki,çəy inə çı pokon ciqərış harde və İslomi şəhidon xuniku çəvon bədəmi qujdış harde,de umudəvo çəşi nəzə kardey bəbe?....