İlahi əsma iyən nomon

İlahi əsma iyən nomon

Xıovənde-Xalığ Taha mıborəkə surə 73-ə şərifə ayədə jıqo hamyedə:”Vəllahu xəyrun və əbğa” və Xıdovənd veyçok iyən vey poydore”.Şura mıborəkə surə 36-ə şərifə ayədə həm jıqo hamyedə:”Vəma indəllahi xəyrun və əbğa” və Xıdo nəzdədə bıə çiyon,veyçok iyən vey poydore”.bə nəzə rəseydə ki,Bəğa kəlmə bın ayəonədə çı Baği həmonə luğəvi məno bəyon kardedə və bə ın nuktə təkid kardedə ki,çın ismi həyği iyən mıtləğə oko doə bıə vırə,fəğət bo Xıdo xotoye.həmçinin Ərrəhmoni mıborəkə surə 26-28 ayəonədə jıqo hamyedə:”lullu mən ələyh....zəmini dimsiə harki bə fəno dıço bəbe.və ıştı pərvərdıqori əzəmətin iyən erjinə zot baği bəmande.çən,ıştə pərvərdıqori kom neməton bə həşə jeydon?”.çın şərifə ayəon zohiriku jıqo istifodə kardey beydə ki,kullu şəy.ım bə həmmə məxloğati şomil beydə ğərəz Xıdovəndi ki,həlokət iyən fənoş ni.Kərimə-Ğıroni yolə mıfəssır bıə Əllomə Məhəmməd Huseyn Təbətəbayi ıştə Əlmizon təfsıri kitobədə çın şərifə ayəon zeylədə jıqo nıvışteydə:”(mevcudoton)ın fəno İlahi nemətonku qıləyniye.çunki,ım ğərəz dınyo aləmiku bə Xıdovəndi səmt intiğol iyən ovaşteyku co çi ni.liza Xıdovənd əy pentonə və fevğədə bıə ayəonədə ıştə neməton cuziku aşmardəşe.həmçinin bə Əllomə Məhəmməd Huseyn Təbətəbayi nəzə əsos çı “Vəchullahuku” murad və məğsəd Əsmaullahe. çunki,har qıləy çi deştə vəch iyən surəti de cokəson dimbədim omeydə.çı Xıdovəndi de bandə miyono vositə həm çəy əsma və nomone və Xıdo deştə əsma və nomon roy vositə çı aləmi tədbiri vindedə və xəlği Xıdo əsma və nomon royku bəy mərıfət pəydu kardedən və əy zıneydən və əy vanq jeydən....

Xıovənde-Xalığ Nəhli mıborəkə surə 96-ə şərifə ayədə jıqo hamyedə:”ma indəhum...şımə nəzdədə bıə çiyon bə oxo bərəse və fəno bəbe.əmmo Xıdo nəzdədə bıə çiyon baği bəmande və əmə hukmən bə səbrəkəyon çəvon əncom doə çiyonsə veyə çokə formədə qıləy mıkofot əto bəkarde”.

Qıləy muminə inson de Bağiyə Xıdo de bə fəno məhkum mandə ilahəon mığoyisədə dərəseydə ki,fəğət Xıdovənde-Mutəol  bo hukumtə və rəhbərətiro qıləy ləyoğətış heste.boçi ki,bəpe çı insoni məbud iyən bəçəy fəryodi rəsəkəs baği iyən əbədi bımando ta hejo və qırd ləzəonədə bəy rəsə zərəli bə diyəro kardey bızıno və həmçinin çəy mənfəəti təmin kardey bızıno.qıləy mıvəhhid iyən vohidə Xıdo pərəstə inson həzrəte İbreymi(ə) boştə ulqu ğərol doydən və bənə ə həzrəti çı Bağiyə Xıdovəndi dumo bıbu.əve bənə ə həzrəti vanq jeydə:az ğurb kardə çiyonım piyedəni iyən əvəz bıə,bə zəvoli məruz mandə iyən bə fəno mıəhkum bıə çiyon pərəəstış iyən sıtoyiş kardedənim.”....