İlahi əsma iyən nomon

İlahi əsma iyən nomon

Xıdovənde-Mutəol Kərimə-Ğıronədə boştə bandəon bo pəsəndidə iyən çokə koon ki,çəy xəyr hejo bəçəy ıştəni rəseydə,əncom doeyro təşviğ kardero i silsilə təşviği təbironku oko doydə və hamyedə:”ehanə fulon ko bə vırə rosneyone,Xıdo bəşmə mızd iyən əcr bədoe”.ın mızd və əcr fəğət bo təşviğiroye.çıro ki,çı əcr iyən mızdi həyğət ıme ki,inson qıləy ko bo cokəsi əncom doydə,çəyku qıləy çi ğəbul kardedə. Muminon mıborəkə surə 11-ə şərifə ayədə hamyedə:”əlləzinə....(varison ki,)firdovsi vəhıştiku irs bardedən və əyo əbədi bəmandeyn”.binobərin ehanə Xıdovənd bəmə hamyedə ki,alim bıbən,adil bıbən, komil bıbən ta az bəşmə feyz bırosnom,çımi məno ım ni ki,qıləy çi bə Xıdo bıdəmon ta çəy mığobilədə qıləy çi bıstənım.

Zuməri mıborəkə surə 74-ə şərifə ayədə hamyedə ki,vəhışti əhl bə vəhışti daxil bıey bəpeştə bəvoteyn: ”Və ğalu...votedən şık bə Xıdo ki,çəy və`də boəmə rost be və (vəhışti)sərzəmini bəçəş irs doe ta çın vəhışti har qıləy vırədə ki,bıpyimone,mıstəğərr kardey bızınəmon”....

Qıləy muminə inson ki,ıştənışon de Xıdovəndi varisi ismi dərostəşone,bın bovədən ki,çəy umr iyən sərvət dınyoədə əbədi ni iyən çəy ixtiyorədə bıə çiyon bə həyğiyə varisi yəni Xıdovənde-Mutəoli rəseydə. çən, səy kardedə ki,həmınə bın dınyoədə bəçəy fərmon iyən əmron mıtobiğ çəvonku oko doydə ta ıştə jimoni zəmonədə de əvoni vığandey iyən oqordıney varisi ıştəku rozi kardedə və bə qıləy dıjdə əcr iyən mıkofoti şomil kardedə.

İmom Huseyn(ə) çə kəson həmməysə çokə barizə nımuinəonkuye ki,de ın şərifə ismi ıştənış dərostə. Ğıroni yolə mıfəssır iyən mutəfəkkir ayətullah Cəvadi Amuli  bın abarədə jıqo hamyedə:”Huseyn ibn Əli(ə) mıborəkə vucud çı həmmə ənbiya iyən peyğombəron varise.Odəmi(ə) mıborəkə vucudi irsi həmməysə muhimmə qıləyni həmonə ismon elme”.yəni çoko ki,Xıdovənd həzrət Odəmi(ə) zəmini dimisə bənə ıştə  xəlifə unvoni vıjniyeşe,coqlə ənbiya iyən peyğombəron və çəvon canişinon həm bənə zəmini dimisə bıə Xıdovəndi xəlifə unvoni bo miləti hidoyətiro ruşnə doə ço bıən və ın məğam qıləyni bəsə coqləyni bədiqə bə irsışon bardə.İmom Huseyn(ə) həm ım mənəvi məğamış ıştə cədd,pı iyən bıvə bəpeştə bəştə ehdəş peqəte.liza de Varisi nomi məşhur bıə ziyorətnomədə əmə jıqo votedəmon: ” Əssəlamu ələyk.....