İlahi əsma iyən nomon

İlahi əsma iyən nomon

Xıdo bandəon miyono əkəs de Xıdovəndi Səburi ismi ıştəni dərosto ki,saxtiyon iyən mısibəton mığobiləədə səbrko,şikoyət və behovsələti nıko və dıl aşuftə iyən pərişon nıbu.həyğətədə Səbr qıləy kilide ki,çı insoni bə Xıdovəndi bıə məhəbbəti zumand kardedə və Xıdovənd bə insoni lutf,rəhmət,ehson iyən məğfırəti hədiyyə kardedə və əy ğoymə kitob iyən sabitə sınnətədə oqəteydə.Səburi şəxs ki,ıştənış de Xıdovəndi Səburi nomi təzyinış kardə de İlahi ranqi peqətey çəy mahbub həm beydə.çəy nımunəonku qıləyni həm Xıdo pəyğombər həzrəte Əyyube(ə).çəy ziyodə mol-əmvol və sərvətış hestebe ki,həmməş çı dastoş doe.əv ıştə mol-əmvol və sərvəton çı dasto doeysə əlovə,çəy fərzəndon həmmə bə ikkərə çı dınyoku şiin və ıştən həm cismi cəhəto bə saxtə noxəşəti mıbtəlo be.əmmo qırd ım mısibəton hiçvaxti boyis nıbe ki,ıştə bə İlahi dərqo bıə şukr iyən sepasiku bəkamko.bəlkəm çəy mınocot iyən razo-niyoz ziyod həm be.liza bə İlahi hikməti əsos çəyku peqətə bıə həmmə neməton oqordıney be.Cıni mıborəkə surə 43-44-ə şərifə ayədə jıqo omə:”vəvəhəbna ləhu....və çəy xıyzon bəy baxşemone və bənə əvon boəvon ziyod kardemone ta çəmə tərəfiku qıləy rəhmət bıbu iyən bo ədişə soybon təzəkkur(pand).əmə Əyyubımon qıləy əsbrəkə bandə vindemone.qıləy çokə bandə be ki,dayimə bəçəmə dərqo ruxu iyən dığğət kardedəbe”.və həlbəttə ki,çın səbri mıkofot İlahi məğfırət iyən bə əbədiyə vəhışti daxil bıeysə qıləy kamə çi ni.bəpe çı viro beməkəmon ki,Ğıron iyən İtrəti mədəniyyətədə har qıləy çok iyən xeyrə əməli qıləy mıəyyənə əcr iyən mıkofotış heste.əmmo bə Zuməri mıborəkə surə 10-ə şərifə ayə əsos ğıyoməti ruji çı istiğomətəkə sabirin iyən səbrəkəyon əcr iyən mıkofot bə ruji behisob zıneydə. Xıdovənde-Mutəol Rə`di mıborəkə surə 24-ə şərifə ayədə jıqo hamyedə:”səlamun ələykum....(və bəvon bəvoteyn) bəşmə səlom bıbu bəşmə səbr iyən istiğoməti xoto.həmonə(əbədiyə) kə çı çokə ağıbəte”...

Çoko ki,səbr iyən hovsələ İlahi evliya iyən peyğombəron barzə vəsfonku bıə,əmmo çəvon bəzi qıləyniyon çı səbrəkəyon barziə nımunə bıən.bənə İslomi azizə peyğombəri(s) ki,çı mıxolif iyən munkiron təkzib iyən istehzoon mığobilədə səbrış karde və tovış varde.əmmo de qıdr ımon bə ico Xıdovənd ə həzrəti bə səbri həmməysə barzə mərtəbə bıə “səbrən cəmila” mərətbə səmt dəvət kardedə.Məarici mıborəkə surə pencminə şərifə ayədə “fəsbir səbrən cəmila” çən,vey çokə səbri roy bıqət”. “səbrən cəmila” çı sanqinə imtovon iyən saxtə hodisəon mığobilədə “reçinə səbri”mənoədəy ki,çı odəmi rufi hevujəti iyən şəxsiyyəti nışonəy.“səbrən cəmila” nımunə vey çokə qıləyni həzrət Əli(ə) kinə həzrət Zeynəbe(s).İslomi dınyo ın yolə banu şəxsiyyət  de “səbr iyən istiğoməti” kəlmə çı qırd mısibət iyən saxtiyon mığobilədə məxsusən çəy bıvə həzrəte İmom Huseyni(ə) Kərbəloədə bıə ğıyomi cərəyonədə və çı Kərbəlo vağiyədə bəpeştə qıləy zəmon ki,yəzidi bə həzrət Zeynəbi(s) voteşeş:aya nıvinde Xıdovəndi deşməş çiç karde və Kərbəloyədə çiç bəşmə sə ome?.həzrət Zeynəbi(s) çı yəzidi cəvobədə hamyeşe:”ma raeytu illla cəmila”. Az ğərəz reçinəti co çim nıvinde”. həzrət Zeynəbi(s) ım de məno pur bıə cumləon çın əzəmətinə banu zəbr iyən rizo məğami nışon doydə ki,ə həzrət hejo bə İlahi əmr iyən ğəzavo-ğədəri təslim be və hiçvaxti bə İhi sərqo şikoyət kardedənıbe.......