İlahi əsma iyən nomon

İlahi əsma iyən nomon

Azizə duston! Dəvardə bərnoməonədə bə Ərafi mıborəkə surə 180-ə şərifə ayə işorəmon karde ki, həmonə ayədə jıqo hamyedə:”de vey çokə nomi (əsmaul-husna) bə Xıdovəndi məxsuse.çən,əy de həmonə nomon vanq bıjənən iyən əkəson ki,İlahi nomon təhrif kardedən,(əvoni)bəçəvon ıştən holi vo bıdə”.çın ayə şə`ni nozilədə omə:çoko ki,mışrikon çı peyğombəre-əkrəmi(s) zıvoniku məseşone ki,ə həzrət jıqo votedə:Ya Allahu ya Rəhman!.de tanə iyən rışxəndi voteşone:əv əməni çı çand qılə Xıdo pərəstətiku nəhy kardedə,əmmo ıştən çandə qılə mə`budi vanq jeydə.bın zəmon qıləy ayə nozil be və çandə qılə Xıdo pərəstəti fiki rədd kardedə və hamyedə:”ğulidu...vuji:çı Allah vanq bıjəniyon ya Rəhmon, har qıləyni vanq bıjəniyon(çəy pokə zot iqləyniye və) həmməysə veyçokə nom bəy məxsuse”.həlbəttə çoko ki,çımi bənav votemone ım vanq jıey fəğəd ım mığəddəsə nomon bə zıvoni cari kardey mənoədə ni. çıro ki,sıtfən dıvo,nımoj iyən İlahi əsma harçənd ıştən Xıdo zikr iyən əy yod kardeye,əmmo bə insoni qıləy barzə mərtəbə nəsib nibəkarde.bəlkəm insoni bə İlahi ğurb iyən bə vey barzə mərtəbə iyən məğamon rosnə çi,huzure-ğəlb iyən çın əsma və nomonku dırıstə dərk iyən aqahəti ye.....

İlahi əsma və nomonku coqıləyni Mustəani nom iyən isme.ım ism çı “Ovni” rəğ-rişəku çə kəsi mənoədəy ki,bəy təkyə kardedən və çəyku komək tələb kardedən.istionət həm çı ovni rişəku və həmonə mənoədəy. ım kəlmə bə vırədə oko doey beydə ki,inson coyli boçəy əncom doey ğadir ni və de qıləy co iborəti istionət çı tələbəkə(mustəinə)fərdi ocizəti iyən zəyfəti çı miyoniku bardey mənoədəy ki,de qıləy əməli  əncom doey məğsədiye ki,əy yali bə vırə rosneyədə ocize.bəçəy xotoye ki,muminə inson ıştə həmmə çi ısət çı hırd bıbu ya dıjd,fəğə və fəğət çı Xıdovəndiku tələb kardeydə.zira Mustəanə Xıdo həm çəy abru hifz kardeydə,oqəteydə və həmən əy zəlilo-xar kardeydəni.bəlkəmbəy təkrim iyən ehtırom noydə və həmən çəy hocət iyən piyə çiyon mıstəcob iyən ğəbul kardedə.həmçinin əksər vırondə bə tələb kardə bandə qılə inoyət və məhəbbət həm nışon doydə.....

Mustəani şərifə ism Kərimə-Ğıronədə dı kərə və fəğət çı Xıdovəndi həxədə oko doey bıə.Mustəan çı ğudrəti soybe.zira ikəs ki,dılış heste bə cokəsi koməkko,bəpe ğadir bıbu və əgər ım jıqo nıbu çəyku komək tələb kardey bə ağli əsos və məntıği ni iyən Kərimə-Ğıron həm de vey çokə vəchi əy Ərafi mıborəkə surə 197-ə şərifə ayədə bəyonış kardə və hamyedə:”vəlləzinə tədunə min dunihi....şımə ğərəz Xıdo vanq jıə kəson bəşmə istionət(komək)kardey  ğudrətışon ni.əvon bəştə həm komək kardey zuşon ni”.Mustəanə Xıdo mıtələğə be ehtiyoce və.boçi ki,qıləy ehtiyocinə şəxs çı coqlə ehtiyocinə fərdi dastiku təsirinə formədə qətey nibəzıne.və ın sıfəti fəğət Ğadirə Xıdovəndi zotədə pəydu kardey bəbe.