Nəhcul-Bəlağə pand iyən hikməton-5

Nəhcul-Bəlağə pand iyən hikməton

Əmirəl-Muminin Əliyyibni Əbi Tolıbi(ə) Nəhcul-Bəlağədə bıə kırtə kəlməon qıləy həkimonə sıxanone ki, ğərəz Kərimə-Ğıroni ayəon iyən peyğombəre-əkrəmi(s) kəlməon,co kəlməonədə pəydu kardey nibəbe.ım sıxanon bənə İlahi maarif,fiğhi məsələon,əxloği səciyyəon,iştimoyi iyən siyosi məsələonku iborət bıə mıxtəlifə mevzuon və har qıləy çi ki,insoni ıştə jimoni mıxtəlifə şə`nonədə bəy ehtiyociş heste.

Əlilmu virasətu kərimə...elm və zıney qıləy boho ğeymətinə irse və ədəb-ərkon hejo tojə bıə zivər və əndişə qıləy şəffofə ovəynəy.

Ğasbu boşımə həm ın sıvol bənav omə ki,çokonə kali fərdon ıştə xıyzoni uzvon miyono ya məktəb iyən ali-məktəbonədə bıə ıştə həm sinifon miyono və ya idoəri muhitədə və sayirə bə tərbiyəvi ,təlimi imkonaton və təchizoton yeksonə şərayiti rağmən və hətto de bərobərə ağliku bəhrə bardey,ziyodə səbarzətiyon kəsb kardedən.bın zəminədə mıtoliyəon iyən təhğiğoton bə əməl omə.çın təhğiğoton nəticəon nışon doydə ki,çın fərdon səbarzəti sırr,bımədəy ki,əvon zıneydən har qıləy zəmon iyən  mevğıyyətədə çokonə əməlkon ta həmməysə çokə nəticəon bə dast biyon.

Ehanə şımə həm ıştə jimoni koonədə bıə mıvəffəğiiyoti dumuon,bəpe bə ın nuktə dığğətko ki,har qıləy koyədə şımə çəvon iminə qıləyni niyon.bəlkəm şımə bənav bıə fərdon həm bəy əməl kardəoşne.hukmən çəvonku i dastə deştə mınosibə təfəkkur,mıtoliyə iyən təcrubə,elm iyən zıneyon bə dast vardəşone.liza  bo komilə səbarzətiyon rəseyro fəğət kifoyət kardedə ki,əvoni ıştəku bə isr noydən,çok-çoki omuton və oko bıdon.İmom Əli(ə) Nəhcul-Bəlağə pencminə hikməti sıftənə hissədə bənə boho ğeymətinə irsi unvoni zikr kardedə və hamyedə:”əlelmu....vey çoke cokəson elm ki,kərimonə boəmə bə irs noəşe,hejo deştə təfəkkur iyən təcrubəon bəy əlovə kardə çiyon,əmə həm kərimonə ıştəku bə irs bınəmon.

İmom Əli(ə) çın hikməti dıminə hissədə jıqo hamyedə:”ələdəbu ....ədəb reçin iyən nuyə zivəronin ki,hiçvaxto kanə beydəni.ədəb çı harçi əndozə və həddi muhafizə kardey və bəy təcavuz nıkardeye. məsələn qıləy zəmon ikəs ıştə kəlomi de do-domjoni bə ico bıko,əmə votedəmon beədəbə odəm.çun kəlomi sıə xəttiku dəvardə və bəçəy həddon rioyət kardəşni.bın hikmətədə İmom(ə) ədəbi ziynətinə olət iyən liboson təşbihış kardə.əmmo şımə çoko ki,zıneydon har qıləy olət iruj kanə və volo beydə.liza İmom Əli(ə) “Muhəddədə” ləfziku okoş doə ki,har ləzə və an tojə bıey mənoədəy.