Nəhcul-Bəlağə pand iyən hikməton-12

Nəhcul-Bəlağə pand iyən hikməton

İmom Əli(ə):iza vəsələt iləykum...havaxti İlahi nemətonku i hissə bəşmə rəse,çən dığğətkənən ki,de kamə şukr kardey həmonə neməton dumo iyən intəho ıştəku bə diyəro məkənən.

Əmirəl-Muminin həzrət Əli ibn Əbi Tolıb(ə) Nəhcul-Bəlağə kitobi bın senzəminə hikmətədə de vey şin iyən şivo qıləy iborəti İlahi ğanunon coqləyni bəçəmə yod dənoydə.həmonə ğanun çı neməton ğanune.

Pərvərdıqore-Aləm dınyo xılğəti iminə rujiku ziyodə ğanunon tənzim iyən hakimış kardə və əmə ın ğanunon nızınə holədə çı ruşd,dırıstəti iyən səhihəti royədə hərəkətkəmon.votey bəbe ki,çın nemətonku istifodə kardey və dınyəvi iyən uxrəvi ovandətiyon kəsb kardey de xılğəti aləmədə bıə İlahi ğanunon oşno bıey iyən çəvonku oko doeyro qıləy muhimmə rabitəş heste.mumkine bə dınyo hakim bıə ğanunonku sıxan votey be,fizika,riyaziyyat,kimya və bənə ımi bıə ğanunon zehnədə dəvardedə.

İshoğ ibn Əmmor nəğl kardedə ki,İmom Sadıği(ə) hamyeşe:”ha Əba İshoğ ha!havaxti Xıdovənd qıləy nemətış bəştə bandə əto karde və əv həmonə neməton ğədri deştə ğəlbi dərkko və oşko bə Xıdo şukrko, hənuz şukriku fariğ nıbe,(Həxı tərəfiku)neməton ziyodəti əmr boəy sadir beydə.

Həzrət İmom Sadıği(ə) ım kəlom çı İbreymi(ə) surə haftminə şərifə ayəku peqətey bıə ki,hamyedə:”ləin şəkərtum...ehanə şımə şukrkon,(az ıştə neməton)boşmə ziyod bəkardem”.