Nəhcul-Bəlağə pand iyən hikməton-14

Nəhcul-Bəlağə pand iyən hikməton

Həzrət Əliku(ə) çı peyğombəri(s) sıxani barədə dəparseşone ki,ə həzrəti hamyəşbe:sipiyə mu ranqi əvəzkənən və ıştəni bənə yəhudiyon məkənən və əy hamyeşe:Xıdo-Rəsuli(s) ın sıxan qıləy zəmon hamyeşe ki,mısılmınon kam bin,əmmo ısət ki,İslomə dini dayirə hevuj bıə və dini istiğrorış pəydu kardə,hakəsi dılış piye bıko.

Nəhcul-Bəlağə havdəminə hikmət de qıləy sıvol iyn şubhə əloğədore ki,bo həzrət İmom Əli(ə) dustonku qıləyni icod bıəbe.ın şəxsi yodoş hestebe ki,azizə peyğombər(s) bəştə duston hamyedəbe ki,bəştə muon ranq bıjənon və ıştəni bənə yəhudiyon ki,bəştə muon ranq jeydənin,təşbih məkənən.ısət peyğombər(s) rehləti çandə soron bəpeştə vindedəbe ki,İmom Əli(ə) bə peyğombər(s) dəsturi əməl kardedəni.qıləy holədə ki,ə həzrət həmməysə veyə ləyoğətış hestebe ki,bə peyğombər(s) sınnət iyən fərmoni əməlko ta sayir millət həm bə ın sınnəti əməlkon.liza bə İmomi(ə) xıdmət rəse və çə həzrətiku dəparseşe: peyğombər(s) hamyeşe:ıştə piyəti de ranqon ziynəti əvəzkənən iyən ıştəni bənə yəhudiyon məkənən, yəni çiye?.

İmom Əli(ə) dərəse ki,ın fərd bə qıləy təaruz iyən ziddiyyəti dıço bıə və təsəvvır kardedə ki,İmom Əli(ə) çı Xıdo-Rəsuli(s) vəsiyy iyən xəlifəy,əmmo bəçəy sınnəti əks əməl kardedə,əve çəy cəvobədə jıqo hamyeşe: çımı bıvə! Bə ruji ki,peyğombər(s) jıqo dəsturon doydəbe,çəy dəlil ımbe ki,çə həzrəti duston rəğəm kam be və çı deşmıni mığobilədə zəyif bin.liza muon ranq kardey fərmon,qıləy taktika iyən psixoloji əməliyyot be.çıro ki,addiyə surətədə piyəti çı zəyfəti nışonəy.əmmo ikəs ki,tərovətin iyə əhvol-ruhiyyəş barze,bəştə rəseydə və bəştə muon ranq jeydə və bəçəy sinni ziyod bıey dəlili xoto,bəy daxil bıə psixolioji təsiri vəy bıqəto.qıləy zəmon ki,deşmın ın fərdon vindedəbe,ıştən-boştə votedəbin ki,çımon piyə şəxson jıqo bıə zəmonədə,çən çəvon cıvonon çokonə ruhiyyə,əzm iyən irodəşon heste?.liza Peyğombəre-Əkərmi(s) hamyeşone ki,bəştə muon ranq bıjənən.muntəho bo deşmınon yəni yəhud iyən kofiron çın nuktəku xəbədo nıbey iyən bo duston zəyfəti hissi nıkardey xoto,Peyğombəre-Əkərmi(s) ın fıərmonış bənə yəhudiyon nıbey dəlili xoto,istinodış karde.boçi ki,əvon ım ko icozə bəştə tərəfdoron doydə nıbin.əmmo ısət ki,mısılmınon ğudrətışon pəydu kardə və deşımınon zəyif bıən,sipiyə muon ranq kardey,bə mısılmınon iğtidor iyən zumandəti qıləy çi əlovə nibəkarde.çən,hakəsi piyeşe ıştə muon ranq kardey bızne və hakəsi ki,nıpiyeşe həmonə ın mıstəhəbbə əməli tərk kardey bəzıne.

Nəhcul-Bəlağə havdəminə hikməti mətn jıləvoniye:və suilə(ə) an ğəvli Rəsulullah(s).... Həzrət Əliku(ə) çı peyğombəri(s) sıxani barədə dəparseşone ki,ə həzrəti hamyəşbe:sipiyə mu ranqi əvəzkənən və ıştəni bənə yəhudiyon məkənən və əy hamyeşe:Xıdo-Rəsuli(s) ın sıxan qıləy zəmon hamyeşe ki,mısılmınon kam bin,əmmo ısət ki,İslomə dini dayirə hevuj bıə və dini istiğrorış pəydu kardə,hakəsi dılış piye bıko.....