Kərbəlo de co qıləy rəvoyəti-4
Kərbəlo de co qıləy rəvoyəti-4
Məhərrəmə manqi deştə qıləy həyğətış heste ki,hasor dılon bə qıləy dıjdə parsemoni səmt bardedə.ım parsemon ım be ki,kom kəs kardey bəzıne bə İmom Huseyni(ə) koməq bıbu?.çandə dırozə soron çı Kərbəlo vağiyəku dəvardedə və ın sədo ijən bə quş rəseydə.qılıəy sədo ki,ğərəz muminon iyən Huseyni aşığon, cokəson ğadir nin əy bıməson.
Ey kaş Aşurədə əmə bıəbimon iyən İmom Huseyn(ə) iyən Zeynəbi(ə) ğəmon həmdəm əbimon. ey kaş çəmə bədən sipər əbi ta çı ovi məşk tiy nıəhardi.ey kaş se şubə tiy qıləy zəmon ki,bə şəş manqinə hırdəni xılxi qıniyədə,əmə əyo əbimon iyən həmonə tiy bəçəmə dıli əqıni.ey kaşəyo əbimon və deştə qırd vucudi ıştə coni bətı fido əkardimon...
Torıxi çı Əbdullah ibn Əfifi dimi sıreyış vində.həmonə vaxt ki,çəy daston bastə bıəbe,çəy səy muon pevolo bıəbe,çəy tani oləton bə tojə zəxmon xoto sı bıəbe və peşo çəy sədo darul-imorə qırd vıronədə məsey be ki,ibn ziyodış bəçəy pı yodış səğande və peşo yəzid iyən bəçəy pı yod. İbn Əfif çı Cəməl iyən Siffeyni canqon conboz iyən veteran be ki,çəy çəşon vindedə nıbe.əmmo torıx ibn ziyodış vindəbe ki,ıştə pəncəş mıştış kardəbe,bəştə lıbuti qıç jıə holədə ıştə hukuməti kursiku əhışte,bənav ome və ıştə sədoş barz karde ki.çanədə ibn Əfifi bə şəhodət nırosno,oromə nəfəs kəşey nibəzıne.torıx çı Əbdullah ibn Əfifi dimi sıreyış vində.çəy lıputi jiku məsey beydəbe ki,çandə soron dırozi məyusəti iyən çəşi nıvindey ki,əvış xanənişinış kardəbe,İmom Huseyni(ə) kərvoniku bə dumo mandəbe və ısət boəy qıləy umu vırə icod bıəbe və ıştə nığılə oruzu astanədə be,çı məclisi əhli məsə həddədə de qıləy barzə vanqi voteşe lki,çəy çı nımoji bədiqə dayima kardə dıvo,de şəhodəti bıə maqe və çəy şəhodət həm de rujiqori həmməysə yavə fərdi dasti bıbu. torıx çımi bədiqə sərbozonış vində ki,Əbdullah ibn Əfifışon bə mıhosirəşon qəte və əvışon zəminisə şıkırnə holədə bardeşone və çı Kufə həşi ğurubi bənav və dar jeşone.həmmə kəson vindeşone ki,çəy çəşonışon bastəbe,əmmo çəy lıv-lıbuton sıreydəbe....
İkəs çı divon çə tərəfiku sərbozon nıbə və hıvoskəon çəşon nıvində zəmonədə bə sıği mur doə qıləy koğəzış çı zindoni pentonə divon dıləku daxilış ğande.nımande və çı çiyeye bənav vite, şe. torıixi həmonə noməş peqətə və ojış kardə və çı ubeydullah ibn ziyodi bə yəzidi bıə noməş handə.torıxi handəşe və vindəşe ki,çokonə hırdənon bəştə inon dovnə çanqışon jıə və jenon bə yəzidi xəyonəti xoto tarsiku larzən.torıx əmmo çı İmomi(ə) dıliku aqah bıəni.İmom(ə) çı usəro kərvoni te tobə Şami bıə məsir iyən royku xəbədo be.çı yəzidi cəvobi zıneydəbin və çı Əba Əbdullah(ə) holiku xəbədo bin.İmom(ə) zıneydəbe ki,hənuz və hələ sıxanon mevcude ki,bə yəzidi votey bıbu.hənuz hodisəon bəpe bə əməl oməni.sıxanon heste ki,ehanə peyk və ğasid ome və təkbiron məse,vəsiyyətkənən ki.yəzidi bəçəvon xuni əmr və dəsturış doə və əgər təkbiri sədo oməni vəziyyət əmne və səoləmətit bəbe inşaallah.torıxi bə zindoni divon təkyəş kardə və bə İmomi(ə) çehrə nəzə kardey ki,hənuz və ijən çı Kərbəlo ğuborış hestebe ki,oqıniyəbe,əmmo darışiyə nıbe.torıx mıntəzir mandə və ıştə quşış tij kardə.əmmo ğərəz odəmon iyən asbon sədo co sədo nıbe.səbrış karde və ıştə dılədə çı İmomi(ə) xotırcəməti iyən Zeynəbi(ə) səbri həsrətış hestebe.....
