De Amerkə rəhbərəti qoya bə İŞİD terroristiyə qrupi zid beynəlxalğə koalisiya təcavuzkarə hucumon nəticədə bə Əlhəsəkə ətrof Suriyə 11 qılə ğeyre hərbiyə şəhrvandonku kıştə bedən.
Miyonə şərğ dəvardə haftə
İroni prezident zinə şəv de ali heyəti iyən Tırkiyədə Rusiyə, Tırkiyə iyən İroni miyono 3 tərəfiyə iclosədə iştirok kardero bə Ankara varid be.
İroni xarıci vəzarətxanə Ərəbi və Afriqaiyə moavin ijən Suriyə kişvəri təhəvvolaton barədə de Suriyə xarıci vəziri moavin telefoniyə rabitəş be.
Yəmənı silahlinə ğıvvon iyən milləti tərəfiku təşkil bə komitəon uzvon Şəboh ostani Əsilan baxşədə Ələkdəh nomo bə məntəğədə bə Səudiyyə Ərəbıstoni muzdoron mərkəzon hucumışon bardə.
Suriyə silahlinə ğıvvon çı məmləkəti Homs ostani şərğ hissədə ıştə əməliyati dəvomədə 9 qılə di ozod kardeədə kamilə sorətədə çı məntəğəku İŞİD terroristiyə qrupi uzvon təmiz karde nez bən.
Xəbəiyə mənbəon Suriyədə terroriston kimyəviyə huccumi barədə xəbə dortişon do, məvuji Əlnosrə terroristiyə qrup ıştəni hozzo kardedə ta Xan Şeyxon və Kəfəriyadə kimyəviyə huccumi əncom bıdə.
Suriyə şimal Hələb ostani şimaliyə hissədə Əzzaz nomo bıə şəhrədə maşini dılədə noə bə bomba tıpe nəticədə çn nəfər kıştə və yarəjə bedən.
Suriyə parlamenti nımayəndon işarəşon karde bə Əlfoə və Kəfəriya sakinon zid terroristiyə hucumon suriyədə sulhi bə nəticə rusneədə mane təşkil karde xoto təşkil bə.və votışe:Hələbı tıpımonədə yarəjəon iyən kıştə bə kəson bə Turkiyə ovıştıne həm Turkiyə president Rəcəb Təyyib Ərdoğanı coqlə fitnəqərə hərəkətonkuy.
Azərbaycan Respublika qıləy siyasi koşınas Amerka bə Suriyə hərbiy hucumi hadisəş dınyo huğuği və beynəl xalğiyə ğanonon ləğv əkə tosifış kardə.