АҚШнинг Баҳрайндаги марказлари ва ҳарбий базалари Эрон армиясининг дрон ҳужумларига нишон бўлди

Эрон Ислом Республикаси армияси «Саъиқа» операциясининг ўн бешинчи босқичи доирасида Баҳрайндаги АҚШ террорчи армиясининг ҳарбий базалари, марказлари ҳамда бир нечта алоқа кўприкларини дронлар ёрдамида нишонга олди.

Парс Тудейнинг ИРНА ахборот агентлигига таяниб хабар беришича, шанба тонгида АҚШнинг сўнгги ҳужумларига жавоб сифатида Эрон Ислом Республикаси армиясининг камикадзе дронлари Баҳрайндаги Шайх Исо ҳарбий базасидаги самолётлар ангарлари, ҳаво кемалари тўхташ майдонлари, ёқилғи омборлари ҳамда бир нечта алоқа кўприкларини нишонга олди.

Шу билан бирга, Ислом Инқилоби қўриқчилари томонидан эълон қилинган баёнотда жанубий Ҳурмуз бўғозида мина қўйилган йўлак орқали ҳаракатланган икки нефть танкери портлаб, кучли ёнғин келиб чиққанлиги маълум қилинди.

Баёнотга кўра, Ислом Инқилоби қўриқчилари сўнгги соатларда Ҳурмуз бўғозида қоидаларни бузган тўртта кемани ҳам тўхтатган.

Шунингдек, Ислом Инқилоби қўриқчилари Денгиз кучлари қўмондонлиги америкалик ҳарбийларнинг ҳаракатлари ва техникаси акс этган суратни эълон қилиб, АҚШ армиясининг барча ҳаракатлари Эрон Ислом Республикаси денгиз бўлинмалари томонидан тўлиқ назорат қилинаётганини билдирди.

АҚШнинг Ғарбий Осиёдаги қўмондонлик маркази «Хайбаршикан» ракетаси билан нишонга олинди