Қолибоф америкалик генералга: Ҳақиқий даҳшатингиз билан юзма-юз келишинг

Эрон Ислом Республикаси парламенти раиси Муҳаммад Боқир Қолибоф америкалик генерал Дэн Кейнга жавобан шундай деб ёзди: «Бир вақтлар сиз учун даҳшатли туш бўлган нарса ҳозир воқеликка айланди, бу билан муроса қилинг».

ParsToday хабар беришича, АҚШ Қуролли кучлари Бош штаб бошлиғи генерал Дэн Кейн бундан аввал АҚШ армиясининг Ҳаво-космик ва кибер кучлари конференциясида шундай деган эди: «Бундан буён ҳарбий бўлинмаларимиз ва сафланишларимиз автоном тизимлар томонидан овланиши, бутун частоталар спектри бўйлаб халақитларга дуч келиши ва реал вақт режимида кузатиб борилишини асос қилиб олишимиз керак».

Қолибоф генерал Кейнга жавобан ўз ижтимоий тармоқдаги саҳифасида шундай ёзди: «Сизнинг F-35 ва F-15 самолётларингиз овланаётгани ва сиз улар фақат шикастлангани ҳақида ҳисобот беришга мажбур бўлаётган давр ҳозирнинг ўзида бошланди. Бир вақтлар шунчаки даҳшатли туш бўлган нарса энди кундалик воқеликка айланди. Бу билан муроса қилинг».