Фаластин интифоза ҳаракатларини ҳимоя қилиш бўйича олтинчи халқаро конференция ўз ишини тугатди

Теҳронда ўтказилаётган Фаластин интифоза ҳаракатларини ҳимоя қилиш бўйича олтинчи халқаро конференция ўз ишини тугатди

     Меҳрибон ва раҳмли Аллоҳ номи билан. 

     Ассалому алайкум, қадрли тингловчилар.

     Таҳлилий эшиттиришнинг бугунги сонини эътиборингизга ҳавола этаман.  

     Бугунги  суҳбатимиз "Фаластин интифоза ҳаракатларини ҳимоя қилиш бўйича олтинчи халқаро конференциянинг тугаши" мавзуига бағишланади.     

     Эшиттиришимизни охиригача бизга ҳамроҳлик қиласиз деган умиддамиз.

     Теҳронда ўтказилаётган Фаластин интифоза ҳаракатларини ҳимоя қилиш бўйича олтинчи халқаро конференция чоршанба куни якуний баёнотни эълон қилиш билан ўз ишини тугатди. Эрон ислом жумҳурияти президенти Ҳасан Руҳоний ушбу халқаро конференциянинг охирги кунида сўзга чиқиб, Фаластин халқининг эски яраси ҳақида ва Исроил деб аталадиган сохта режим томонидан бир миллат юртини ишғол этиш ҳаракатларининг давом этиши хусусида таъкидлаб ўтди. Эрон ислом жумҳурияти президентига кўра, Фаластиннинг бугунги тақдири зулм ва жабрнинг нишонаси ҳамда халқаро ҳуқуқларни кўрмасликка олиш ва халқаро ташкилотларнинг самарасизлигининг натижасидир. Ҳасан Руҳоний ушбу ҳақиқат ҳақида гапириб шундай айтдики, Фаластин халқининг муқовамат ҳаракатлари айрим исломий мамлакатларнинг ва жаҳон ҳамжамиятининг шармандалиги олдида саъй-ҳаракатлар рамзи ва бир миллатнинг ўзларининг ҳақ-ҳуқуқлари учун кураш олиб боришларидир.

     Ушбу халқаро конференцияда Фаластин интифоза ҳаракатлари ҳақида мутафаккирлар ва Фаластин муқовамат раҳбарлари томонидан шунингдек Исломий инқилоб муаззам раҳбарининг нутқларида ва Эрон ислом жумҳурияти президентининг баёнотларида юритилган фикр ва мулоҳазалар мазкур ҳақиқатни қайта такрорлаш бўлиб, ҳеч қайси бир жараён гарчи кучли ва қудратли бўлсада, ушбу ҳақиқатга кўз юмолмайди. Жанг майдонида Фаластин халқининг ватанпарварлик руҳида туриши ва узоқ йиллар мобайнида Фаластин тарихидан жой олган ва ушбу юртнинг тарихи бутунлай курашга айланган, гарчи ушбу кураш кўплаб тўсиқлар ва муаммоларга учраган бўлса ҳам. Ушбу йўналишда учта жараён Фаластин миллатига кўпроқ зарар етказди. Биринчи жараён Исроилнинг юзага келишидан бошлаб Фаластин халқига энг кўп зиён етказиши бўлди. Тўғри йўлдан оғиш жараёнлари ва айрим гуруҳларнинг Сионистик режимнинг моҳияти ҳақидаги ҳақиқатни билмаслиги сабабли ёки бўлмасам ушбу ҳақиқатдан огоҳ бўлсада мазкур режим билан муроса қилиш ҳаракатлари ва сионист душманлар билан тил бириктиришларидир. Фаластин интифоза ҳаракатлари бир халқнинг ўзи танлаган йўлдан қайтмаслигини ва ўз ҳақ-ҳуқуқларидан воз кечмаслигини кўрсатди. Негаки, ушбу ҳақ-ҳуқуқлар барча Фаластин авлодига таалуқли бўлиб, ҳеч қайси бир муросага келувчи оқимлар ва гуруҳларга дахли йўқ.

     Иккинчи жараён шундан иборатки, маъиший оғир шароит ва қамалга олиш бўлиб, ушбу ҳаракатлар натижасида эса икки миллиондан кўпроқ Фаластинликлар Ғазо секторида ўн йилдан бери қийин вазиятда қолмоқда. Бундан кўзланган мақсад эса, Фаластин жамиятини муқовамат ҳаракатларидан пушаймон қилдириш ва ушбу йўлдан қайтаришдир. Аммо учинчи жараён эса, Сионистик режим ҳимоясидаги ИШИД террорчилик ва такфирчилик гуруҳи бўлиб, ушбу гуруҳни мазҳаблараро уруш чиқариш ва шиа ҳамда сунийлар ўртасида ихтилоф ва низо чиқаришга йўналтиришди. Бундан кўзланган мақсад эса, Фаластин масаласини бир четка суриб қўйишдир. Лекин, Фаластин муқовамат ҳаракатлари, Фаластин масаласини униттиришга қаратилган ҳамма саъй-ҳаракатларга қарамасдан, эндиликда минтақадаги воқеаларда биринчи ўринда жой олди ва ҳушёр фаластинлик ёшлари ташаббусни қўлга киритишди ҳамда интифоза ҳаракатларини давом эттиришмоқда. Тарихнинг ушбу ҳақиқати муқовамат ва Фаластин халқининг ҳамда гуруҳларининг ҳаракатларининг баракасидан келиб чиққан натижа бўлиб, ушбу ҳақиқат барҳаёт ва мустаҳкадир.

     Фаластин халқи ўз йўлини тўғри танлади ва учинчи интифоза ҳаракатлари Исломий инқилоб муаззам раҳбарининг таъбири билан айтганда, иккита олдинги интифоза билан қиёслаганда ҳақиқий зулм бўлиб, илгаригидек таъсирга эгадир. Ушбу халқаро конференциянинг якунида сўзга чиққан Эрон президенти ва Исломий инқилоб муаззам раҳбарининг нутқида ишора қилинган жиҳатлар, буюк тарихнинг масъулиятини эсга солиш бўлиб, барча ислом дунёси сўзсиз амал қилиши керак ва Фаластин миллатининг тақдирига қаратилган зиддиятлар ва ихтилофларни бир четга суриб қўйишлари лозим. Ҳамда ушбу ҳақиқатни тан олишлар керак, чунки уларнинг ҳақ-ҳуқуқларини қонуний томондан эътироф этилмасдан Фаластин тинчлигини қўлга киритиб бўлмайди. Ушбу йўналишда Эрон ислом жумҳурияти шундай қарашга эгаки, Ўрта Шарқ минтақаларида одилона сулҳ ўрнатилиши Фаластин юртини ишғол этиш ҳаракатларига чек қўйиш билан ва ушбу халқнинг ҳақ-ҳуқуқларини бутунлай қайта тиклаш, жумладан уларнинг ўз тақдирларини ўзлари белгилашлари, қочқинларни ўз ватанларига ва яқинлари олдига қайтариш ҳамда ушбу диёрда истиқомат қиладиган барча қавмлар ва уруғлар томонидан уларнинг мусулмон, насроний ёки яҳудий бўлишидан қатъий назар референдум ўтказишлари орқали Қуддуси шариф пойтахтига эга бўлган Фаластин яхлитлигини сақлаган бир бутун давлатни ташкил этиш билан ҳосил бўлади.    

      Муҳтарам тингловчилар, " Таҳлилий эшиттиришга" ажратилган вақт ўз ниҳоясига етди. Дастурларимиз давом этади. Мен эса сизлар билан хайрлашаман. Яна радио тўлқинларида учрашгунча хайр, меҳрибон ва раҳимли аллоҳ паноҳида қолинг.