Эрон президенти янги дори ишлаб чиқарадиган ширкатларни очиб берди

Ҳасан Руҳоний душанба куни ҳижрий шамсий 1396 йилнинг биринчи соатида, дори ишлаб чиқарадиган янги ширкатни очилиш маросимида иштирок этди

Эрон ислом жумҳурияти президенти Ҳасан Руҳоний душанба куни ҳижрий шамсий 1396 йилнинг биринчи соатида, дори ишлаб чиқарадиган янги ширкатни очилиш маросимида иштирок этди. Эрон президенти матбуот сайти тарқатган хабарга кўра, шунингдек ушбу маросимда  Эроннинг ижтимоий таъминот, фаравонлик ва меҳнат бандлиги вазирлиги қошидаги дори ширкатларининг 60 та препарати ҳам намойиш этилди. 

Ушбу янги маҳсулотдаги 60та препаратларни ишлаб чиқариш ва тараққий эттириш Эрондаги дори ишлаб чиқарувчилар томонидан тайёрланмоқда. Ушбу маҳсулотлар ҳеч қандай янги сармоясиз ва ўз имкониятларини ишга солиб шунингдек, дори таъминоти гуруҳига аъзо бўлган мажмуа ширкатлари томонидан эксплуатация қилиниб ишлаб чиқарилади.