Руҳоний: Ядровий келишувни бузганлар қаттиқ афсусланади

Унга кўра, Теҳрон ҳар қандай шароитга тайёр. Агар ядровий келишув поймол этилса шартномани бузган томонлар албатта пушаймон бўлади ва бир ҳафтага қолмай бунинг натижасини яққол кўришади 

Эрон ислом жумҳурияти президенти Ҳасан Руҳоний Эрон ядровий келишувидаги мажбуриятларни бузганлар, мазкур ҳолатдан келиб чиққан зарарлар ўрнини тўлдиришлари керак бўлади деб таъкидлади. Унга кўра, Теҳрон ҳар қандай шароитга тайёр. Агар ядровий келишув поймол этилса шартномани бузган томонлар албатта пушаймон бўлади ва бир ҳафтага қолмай бунинг натижасини яққол кўришади. 

«Биз битим шартларини бузмаймиз, бироқ АҚШ билиши керакки, агарда улар битимни бузишса, бундан жуда қаттиқ афсусланади. Бизнинг жавоб улар кутгандан ҳам қатъий бўлади, ҳамда улар буни бир ҳафтанинг ичидаёқ кўришади», - дея маълум қилган Эрон президенти.

Унинг сўзларига кўра, Эрон Америка томонининг иштирокисиз битим варианти ва бошқа имкониятларни кўриб чиққан.

Ҳасан Руҳоний бугун душанба куни "Ядровий технология миллий куни"га бағишланган 12-маросимда ушбу кун билан табриклаб, Эроннинг ядровий соҳадаги шаҳидларнинг хотирасини улуғлаб шундай айтдики, душманлар Эрон ўз манфатидан воз кечишларини айтишади, аммо Эрон ислом жумҳурияти ҳеч қачон ёмонликни истовчиларнинг хурсандчилиги ва розилиги учун ҳаракат қилмайди. 

Ҳасан Руҳоний фидокор ва жонкуяр эронлик олимларнинг илмий ва тадқиқот марказларида улкан ютуқларни қўлга киритаётганлари ҳақида тўхталиб шундай айтдики, Эрон юрти ядровий келишувдан кейинги икки йил давомида ядровий соҳада 130 дан ортиқ муҳим ютуқларни қўлга киритди.