Лорижоний:Аҳвозда бўлган теракт Эрон халқининг иродасини заифлаштиролмайди
Эрон Парламенти раиси Аҳвозда содир этилган террорчилик амалиётига аксиламал кўрсатди
Шанба куни Эрон Парламенти раиси Али Лорижоний Эрон жануби-ғарбида жойлашган Аҳвоз шаҳрида содир этилган террорчилик амалиётида қурбон бўлган кишиларнинг оила аъзоларига ҳамдардлик изҳор этиб, Муқаддас мудофаа ҳафтаси ва Эрон ҳарбий қудратини намоиш этиш арафасида қуролланган ва радикал гуруҳларга тегишли шахслар томонидан номардларча бўлган бу ҳаракат яна бир бор Эроннинг мудофаа иқтидори қаршисида ожиз ва кучсиз эканини кўрсатганини таъкидлади.
Эрон Парламенти раиси Али Лорижоний, жумладан, душманлар Эрон ҳарбий қудратига қарши тўғридан-тўғри кураша олмасликлари учун бу каби терактларни амалга ошириб, раҳмсизларча болалар, аёллар ва халққа қараб ўт очишлари ва душманлик ҳаракатларига қўл уришларини ҳам урғулаб ўтди.
Эрон Парламенти раиси Аҳвозда террорчилик амалиётини содир этган жиноятчилар шахсини аниқлаш ва таништириш лозимлигини ҳам таъкидлаб ўтди.
Лондон ва Риёз ҳимоялари остида бўлган "Ал-Аҳвозия" террорчлик гуруҳи ушбу теракт масъулиятини зиммасига олган.Мазкур радикал гуруҳ ўтган йилда ҳам "Нур йўловчилари" карвони уруш кўрган Эрон минтақаларини кўраётган пайтда ушбу карвон йўловчиларига ҳужум қилган эди.
Ўтган шанба куни Аҳвоз шаҳрида ҳарбий парад ўтказилаётган майдон четида жойлашган паркдан парадни томоша қилаётган одамларга қарши террорчилар томонидан ўт очилади. Ушбу ҳужум натижасида 25 киши шаҳид бўлиб, 60 киши тан жароҳати олишади.