Аҳвозда теракт содир этилган жиноятчиларнинг шахси аниқланди

Бу борада Эрон Хавфсизлик вазирлиги маълум қилди.

ИРНА ахборот агентлигининг хабар беришича, душанба кечаси Эрон Хавфсизлик вазирлиги Эрон жануби-ғарбида жойлашган Аҳвоз шаҳридаги  террорчилик амалиётда иштирок этган жиноятчиларнинг шахси аниқланганини эълон қилди.

Мазкур терактда араб ўлкаларига тегишли бўлган айримачи террорчи гуруҳларнинг 5 нафар аъзоси иштирок этган  ва ушбу террорчиларнинг уйлари ҳам аниқланган.

Эрон Хавфсизлик вазирлиги ушбу жиноятга дахлдор бўлган 25 кишини қўлга олган ҳамда уларга ҳомийлик қилган ва кўрсатмалар берган омиллар ҳам маълум қилинганини баён этган.

Берилган ушбу маълумотларга кўра, террорчиларнинг уйларида портлатиш воситалари, қурол-яроқ ва бошқа ҳарбий ашёлар аниқланиб мусодара этилган.

Эрон Хавфсизлик вазирлигининг баён қилишича, Исломий Инқилоб Қўриқчилари Корпуси, Эрон Ислом Жумҳурияти армияси, Эрон Ички ишлар ва суд ҳокимияти кучлари биргаликда мамлакат қуролли кучлари   Бош қўмондонинг  фармони  асосида террорчиларга қарши минтақа ва дунёнинг турли нуқталарида биргаликда кураш олиб боришади.

Эслатиб ўтамиз, шанба куни Аҳвоз шаҳрида ҳарбий парад ўтказилган майдонда яқин бўлган паркда террорчилар ҳарбий парадни томоша қилиш учун йиғилган оммага қараб ўт очишади.Натижада 25 киши шаҳид ва 60 дан кўпроқ киши тан жароҳати олишади.

ИШИД террорчилик гуруҳи тарқатган видеодан маълум бўлишича,  Аҳвоздаги терактда  Арабистон ҳимояси остида бўлган ИШИД ва Ал-Аҳвозия террорчилик гуруҳлари ҳамкорлик қилишган.