Раисий: Фаластинликларнинг ҳуқуқлари ҳисобга олинмаса, минтақада янги тартиб ўрнатилмайди
-
Раисий: Фаластинликларнинг ҳуқуқлари ҳисобга олинмаса, минтақада янги тартиб ўрнатилмайди
Эрон Ислом Республикаси Президенти шундай деди:Сионистик режимнинг мазлум Фаластин халқига қарши жиноятларини тўхтатиш йўлида барча исломий ва араб давлатлари ҳамда дунёнинг барча озод одамлари жиддий бирлашув ва ҳамкорликка эришишлари керак.
Эрон телерадиокомпаниясининг ўзбек тилидаги сайтининг хабар қилишича, Эрон Ислом Республикаси Президенти Саййид Иброҳим Раисий чоршанба куни кечқурун Сурия президенти Башар Асад билан телефон орқали мулоқотда сионистик режим Ал-Ақсо бўрони амалиёти давомида ўзининг 75 йиллик тарихида мисли кўрилмаган зарбага учраганини айтиб, таькидлади:Ўтган кунларда бу тузумнинг экстремал вазирлар маҳкамаси барча беадаблик ва уятсизлик чегараларини бузиб, катта жиноятлар содир этди.
Эрон Ислом Республикаси Президенти мазлум Фаластин халқининг ғазабини Фаластин ҳуқуқларининг поймол этилиши натижаси деб ҳисоблади ва қўшимча қилди:Икки ёқлама стандартлар билан инсон ҳуқуқларининг сохта даъвогарлари золим ва мазлумнинг ўрнини ўзгартиришга ҳаракат қилмоқда. Уларнинг бу позицияси ционистик режимнинг такаббурлигига ва Фаластин геноцидининг давом этишига сабаб бўлди.
Раиси таъкидлади:Сионистик режимнинг мазлум Фаластин халқига қарши жиноятларини тўхтатиш йўлида барча исломий ва араб давлатлари ва дунёнинг барча озод одамлари жиддий бирлашув ва ҳамкорликка эришишлари керак ва шу асосда Эрон Ислом Республикаси Ислом мамлакатлари раҳбарлари билан боғланиб, бу мувофиқлаштиришга имкон қадар тезроқ эришишга ҳаракат қилади.
Эрон Ислом Республикаси Президенти, шунингдек, Ал-Ақсо тўфони операциясининг неъматларидан бирини, минтақада фаластинликларнинг ҳақ-ҳуқуқлари ҳисобга олинмасдан туриб, ҳеч қандай янги тартиб ўрнатилмаслигининг исботи деб ҳисоблади.
Сурия президенти Башар Асад ушбу телефон суҳбатида сионистларга қарши қаршилик ҳаракатининг буюк ғалабалари бу режим ўзи даъво қилганидан анча заиф эканлигини кўрсатди, деди:Барча араб ва ислом давлатлари Фаластин халқи ва Ғазонинг мазлум халқи ҳуқуқларини қўллаб-қувватлаш учун ягона ва аниқ позицияда келишиб олишлари керак.
