Ироқчи Зеленскийга деди: Дунё саргардон масхарабозлардан тўйди
Исломий Республика ташқи ишлар вазири Украина президенти Владимир Зеленскийнинг Эронга қарши бўрттирилган ва аралашувчи баёнотларига жавобан унга мурожаат қилиб шундай деди: дунё саргардон масхарабозлардан тўйди.
Pars Today’нинг IRIB ахборот агентлигига таянилган хабарига кўра, Исломий Республика ташқи ишлар вазири Сайид Аббос Ироқчи жума куни Зеленскийнинг Эрон ҳақидаги баёнотларига жавобан ўзининг X (Икс) аккаунтида ёзди: «Жаноб Зеленский, дунё энди саргардон масхарабозлардан тўйди. Чет эл ёрдамига таянадиган ва ёлланма кучлар билан тўлган армиянгиздан фарқли ўлароқ, биз эронликлар ўзимизни ҳимоя қилишни биламиз ва бегона давлатлардан садақа сўрашга муҳтож эмасмиз».
Ироқчи қўшимча қилди: «Зеленский америкалик ва европалик солиқ тўловчилар пулини суиистеъмол қилиб, ўзининг фасодга ботган генералларининг чўнтагини тўлдирмоқда ва буни “қонуний бўлмаган ва БМТ Низомини бузувчи тажовуз” деб атаётган ҳаракатларга қарши кураш баҳонасида амалга оширмоқда».
Эрон ташқи ишлар вазири яна қўшимча қилди: «Шу билан бирга, у очиқчасига ва ҳеч қандай уялмасдан АҚШнинг Эронга қарши қонуний бўлмаган тажовузини талаб қилмоқда — бу эса айнан ўша БМТ Низомини бузади».
