Тожик- афғон чегарасида икки нафар "наркобарон" йўқ қилинди

Тожик-афғон чегарасида Тожикистон куч тузилмалари вакиллари ва Афғонистон фуқароси бўлган контрабандистлар ўртасида отишма юз берди

ТОШКЕНТ, 21 авг — Sputnik. ИИВ, Миллий Хавфсизлик давлат қўмитаси ва чегарачилар томонидан ўтказилган махсус операция натижасида Тожикистон жанубида наркотик контрабандаси билан шуғулланувчи икки шахс йўқ қилинди, бири қўлга олинди, 114 килограмм наркотик олиб қўйилди, деб хабар қилди РИА Новости нашрига Тожикистон ИИВ матбуот-хизмати Умаржон Эмомали.

"Якшанбага ўтар кечаси Хамадони туманига яқин Панжоб чегара постида, Тожикистон ва Афғонистон чегарасида куч тузилмалари  наркотик контрабандасининг олдини олишди. Тожикистон куч тузилмалари вакиллари ва Афғонистон фуқароси бўлган контрабандистлар ўртасида отишма юз берди", — деган котиб.

Эмомалининг айтишича, жанговар тўқнашув оқибатида икки нафар контрабандист йўқ қилинган, қолганлари қидирилмоқда.

Эмомалининг хабарига кўра, махсус операция натижасида 114 кг наркотик модда, жумладан 83 кг гашиш, 21,2 кг опий ва 9 кг каннабис моддалари олиб қўйилган. Ушбу ҳолат юзасидан жиноий иш қўзғатилган.