Душанбеда Тожикистон-2018 номли халқаро кўргазма бўлиб ўтди
Мазкур халқаро кўргазмада жаҳоннинг турли мамлакатларидан 55 та ширкат иштирок этди
Тожикистон пойтахти Душанбе шаҳрида Тожикистон-2018 номли халқаро кўргазма бўлиб ўтди. Мазкур халқаро кўргазмада жаҳоннинг турли мамлакатларидан 55 та ширкат иштирок этди.
Авесто ахборот агентлиги сайтининг жума кунги тарқатган хабарига кўра, Тожикистон савдо ва саноат палатасининг маълум қилишича, пайшанба куни Душанбе шаҳрида бўлиб ўтган Тожикистон - 2018 халқаро кўргазмасида Россия, Белоруссия, Ўзбекистон, Хитой, Покистон, Афғонистон, Жанубий Корея, Индонезиядан ўнлаб ширкатлар қатнашиб, иқтисодий соҳада ўзларининг имкониятларини ва маҳсулотларини тақдим этиб намойиш этишди.
Шунингдек, ушбу халқаро кўргазмада, энерегетика, транспорт, автомобил, йўл қурилиши, электроника, қурилишга оид шунингдек соғлиқни сақлаш, фармацевтика, қишлоқ хўжалиги, қўл ҳунармандчилиги ва заргарлик буюмларини таёрлашга доир ширкатлар ўзларининг маҳсулотларини кўргазмага қўйишди.