Қирғизистонда жанубий Боткен вилояти прокурори ўлдирилди

Жанубий Боткен вилояти прокурори Анарбай Мамажакипов якшанбага ўтар кечаси ўлдирилган, деб хабар берди РИА Новости республика ИИВ матбуот хизмати вакили Карима Аманқуловага таяниб.

"Ушбу ҳолат юзасидан республика Жиноят кодексининг "қотиллик" моддаси бўйича жиноят иши қўзғатилди. Гумондор қўлга олинган,  у билан тезкор-суриштирув ишлари олиб борилмоқда", — деб маълум қилди Аманқулова.

Унинг сўзларига кўра, жиноят сабаби ва тафсилотлари ҳақида гапиришга ҳали эрта.

Мамажакипов май ойида Боткен вилояти прокурори этиб тайинланганди, унга қадар Талас шаҳри прокурори вазифасини бажарган.