Тожикистонда қийноқ қўллаганлар бундан буён 15 йилгача қамалиши мумкин
октябр 17, 2019 17:28 Asia/Tashkent
Тожикистонда қийноқ қўллаган ва шафқатсиз муносабатда бўлган шахсларга нисбатан жазо кучайтирилади. Эндиликда уларга нисбатан 2 йилдан 15 йилгача қамоқ жазоси бериладиган бўлди.
Авваллари Тожикистон Жиноят кодексидаги “Қийноқлар” моддасида жазо 20 мингдан 50 минг сомонийгача (2-5 минг доллар) шаклидаги жарима ёки 2 йилдан 5 йилгача озодликдан маҳрум қилишни кўзда тутарди.
Тожикистон парламенти 16 октябрь куни мамлакат Жиноят кодексига тегишли ўзгартишларни киритди. Адлия вазирлигининг маълум қилишича, ўзгартишлар БМТнинг Қийноқларга қарши қўмитаси тавсияси ҳамда мамлакатда Қийноқларга қарши туриш миллий режасига биноан киритилган.
