Туркманистонда 61 нафар ўзбекистонлик амнистия актига асосан озод қилинди

Бухоро вилояти ИИБ матбуот хизматига кўра, Туркманистондаги жазони ижро этиш муассасаларида жазо ўтаётган 61 нафар Ўзбекистон фуқаролари афв этиш тўғрисида фармонга асосан озодликка чиқарилиб, мамлакатга қайтарилди.

Туркманистон президенти афв этганларнинг 59 нафари эркак ва 2 нафари аёллардир деб хабар қилган Спутник..

Улар карантин тартиб-қоидаларига тўлиқ риоя этилган ҳолда Бухоро вилояти Олот туманидаги Божхона чегара пости орқали Ўзбекистон ҳудудига киритилди. Сўнгра Тошкент вилояти Юқори Чирчиқ туманида жойлашган 14 кунлик махсус карантин сақлаш жойига жойлаштирилди.

Улар орасидан Ўзбекистонда қидирувда бўлган 5 нафар шахсларнинг 3 нафари Хоразм вилояти ва 2 нафари Қорақалпоғистон Республикасида яшовчи фуқаролар. 2 нафар шахслар махсус конвой автомашинаси орқали яшаш жойи - Қорақалпоғистон Республикасига жўнатилди.