Қозоғистонда миллий вакцина билан эмлаш бошланди
Коронавирусга қарши эмлаш Қозоғистонда "Қозвак" миллий вакцинаси билан бошланди.
Франспресс хабарига кўра, миллий вакцинанинг биринчи дозаси билан эмлангач, Қозоғистон Соғлиқни сақлаш вазири Алексей Цои Давлат илмий-тадқиқот институтида ишлаб чиқарилган икки дозали вакцинанинг 50 минг дозаси бутун мамлакат бўйлаб тарқатилганлигини эълон қилди.
Қозоғистон Соғлиқни сақлаш вазирининг қўшимча қилишича, феврал ойида эмлаш бошланганидан бери Қозоғистонда ҳар 20 кишидан бири вакцина билан эмланган.
Президент Қосим Жумарт Тўқаев ҳам ўзининг Cовид-19 вакцинасини ишлаб чиқарган дунёдаги кам сонли мамлакатлардан бири бўлган Қозоғистоннинг илмий ютуқларини юқори баҳолади.
Соғлиқни сақлаш вазирлигининг расмий маълумотларига кўра Қозоғистонда 309 мингдан ортиқ одам Ковид-19 юқтирган, улардан 3570 нафари эса вафот этган.
Қозоғистон аҳолиси 19 миллион кишини ташкил қилади.
