Қирғизистоннинг собиқ президенти Асқар Акаев Қирғизистонга қайтарилди
-
Қирғизистоннинг собиқ президенти Асқар Акаев Қирғизистонга қайтарилди
Қирғизистоннинг биринчи президенти Асқар Акаев Бишкекка қайтди ва бу мамлакат Миллий хавфсизлик давлат қўмитасида тергов қилинмоқда.
Қирғизистон Миллий хавфсизлик давлат қўмитаси матбуот хизматининг «Kloop» журналистига берган интервьюсида 2005 йилги инқилоб натижасида мамлакатни тарк этган Асқар Акаев 2 август куни Бишкекка олиб келинган деб маълум қилди.
Акаев ҳозирда Миллий хавфсизлик давлат қўмитаси биносида бўлиб турибди.
Акаев ва бир қатор юқори мартабали амалдорлар «Қумтор» лойиҳаси бўйича коррупция иши доирасида қидирувга берилганди.
«Акаев, бошқа собиқ юқори мартабали амалдорлар қаторида, 1992 йилда «Қумтор» лойиҳаси бўйича Бош келишувни тузишда, 1994 йилда унга ўзгартиришлар киритишда, шунингдек, 2003 йилда «Камеко» компанияси билан Бош келишувни қайта тузишда коррупция ҳолатлари учун жавобгарликка тортилган», дея хабар қилди Миллий хавфсизлик давлат қўмитаси.
Миллий хавфсизлик давлат қўмитаси тергов Асқар Акаев президентлиги даврида «Қумтор» лойиҳасини амалга оширишда коррупцияга алоқадор барча айбдор шахсларга ҳуқуқий баҳо берган.
