Қозоғистонда жамоат тартиби учун катта бюджет

Қозоғистон ҳукумати ҳар йили жамоат тартиби, қонун ва тартибни сақлаш учун бир триллиондан ортиқ пул сарфлайди.

Жорий йил бошида кенг тарқалган халқ норозиликларидан сўнг Қозоғистон президенти Қосим-Жомарт Тўқаев қонунчиликни ислоҳ қилиш, коррупцияга қарши кураш ва коррупцияга ботган ёки чўзилган амалдорларни лавозимидан четлаштириш каби чораларни кун тартибига қўйди. Тўқаев бу чора-тадбирларни амалга ошириш учун қатъийят билан ҳаракат қилмоқда.

Қозоғистон ҳукумати жорий йилда жамоат тартибини, қонун ва жазо муқаррарлигини сақлаш учун триллиондан ортиқ қозоқ Тенгеси (2,207 миллиард доллардан ортиқ) сарфламоқда.

Қозоғистон матбуотига кўра, мамлакатда ҳар 100 минг аҳолига 372 полициячи, 30 га яқин прокурор ва 12 дан ортиқ судя тўғри келади.

Икки йил олдин ҳар 100 минг аҳолига 471 нафар полициячи тўғри келган.

Ушбу бюджетнинг 424,6 миллиарди Миллий хавфсизлик қўмитасига, 372,3 миллиарди Ички ишлар вазирлигига, 71,1 миллиарди Олий судга ва 48 миллиарди Бош прокурорга ажратилган.