Тожикистон президенти мудраб ётган террористик ячейкалардан огоҳлантирди

Имом Али Раҳмон Марказий Осиё хавфсизлигини беқарорлаштириш режаларидан огоҳлантирди.

Эрон телерадиокомпаниясининг ўзбек тилидаги сайтининг хабар қилишича, Тожикистон Республикаси Президенти Имом Али Раҳмон Марказий Осиё давлатлари раҳбарларининг учрашувида шундай деди:Минтақа жаҳон кучлари учун муҳимлигича қолмоқда ва ривожланишнинг мураккаб даврини кутмоқда. Глобал актёрлар ўртасидаги қарама-қаршилик кучайиб бормоқда ва Совуқ урушдан Иссиқ урушга ўтиш геосиёсий ўзгаришлар ва дунё тартибини белгилайди.

Раҳмоннинг сўзларига кўра, мамлакатлардаги сўнгги ўзгаришлар маълум кучлар, айниқса, ижтимоий тармоқлар орқали ёшларни норозилик ва террорчилик ҳаракатларига жалб қилишга уринишда давом этаётганини кўрсатмоқда.

Унинг сўзларига кўра, минтақадаги энг жиддий муаммо бу экстремистик мафкурани тарғиб қилиш бўлиб, бу экстремистик гуруҳларнинг мудраб ётган террорчи ячейкалар орқали норозилик намойиши қилаётган жамоалар салоҳиятидан худбинлик билан фойдаланишига сабаб бўлмоқда.

Шу муносабат билан Тожикистон президенти минтақада экстремизм мафкураси тарқалишига қарши биргаликда курашишда аниқ механизмларни яратиш бўйича ҳамкорликни кенгайтиришни таклиф қилди.