Афғонистоннинг Ҳирот вилоятида яна кучли зилзила содир бўлди
-
Афғонистоннинг Ҳирот вилоятида яна кучли зилзила содир бўлди
Афғонистоннинг Ҳирот вилоятида /Рихтер/ ички ер тўлқинлари шкаласи бўйича яна 6,3 магнитудали зилзиза содир бўлди.
Эслатиб ўтамиз,ўтга шанба куни ҳам Ҳирот вилояти ва унинг атрофида 6,3 магнитудали зилзила содир бўлганида минглаб инсонлар қурбон бўлиб ёки жароҳатланган эди.
Эрон телерадиокомпаниясининг ўзбек тилидаги сайтининг хабар қилишича, бугун Европа - Ўрта ер денгизи сейсмология маркази сайти эрталаб, Ҳирот шаҳридан 34 километр шимолида Рихтер шкаласи бўйича 6,3 балли зилзила содир бўлганини маълум қилди.
Европа -Ўрта ер денгизи сейсмология маркази веб-сайтида ушбу зилзила эпицентри ҳали аниқланмаган бўлса-да аммо Теҳрон университети сейсмология маркази бу зилзила бугун чоршана маҳаллий вақти билан соат 4:11 дақиқада 10 километр чуқурликда содир бўлганини аниқлади.
Ҳиротда юз берган зилзила Эроннинг Хуросони Разавий вилояти хусусан Машҳад шаҳрида ҳам сезилди.
Зилзила қурбонлари ва эҳтимолий вайроналар ҳақида ҳозирча хабар берилмаган.
Жорий ҳафтанинг шанба куни Ҳирот вилояти ва қўшни вилоятларнинг Зиндажон шаҳри ва бошқа қшаҳарларида 6,3 магнитудали зилзила ортидан кўплаб афтершок ҳам сезилганди.
Чегара билмас шифокорлар эса Афғонисоннинг Ҳирот вилоятида содир бўлган зилзила қурбонлари 2 минг 445 нафарга, жароҳат олганлар сони эса 2 минг 440 нафарга етганини эълон қилди.
