Эрон ва Хитой стратегик шериклардир
Хитой президенти ва Эрон парламентининг раиси икки мамлакат ўртасидаги стратегик ҳамкорликларни кенгайтиришни таъкидлашди.
Эрон парламенти Али Лорижоний чоршанба куни аср пайтида Пекинда Хитой президенти Хи Жи Пинг билан учрашиб икки мамлакатнинг дўстона ва тарихий алоқаларига ишора этиб, Хитой Эрон Ислом Жумҳуриятининг ишончли ва стартегик шеригидир,-деб айтди.
Хитой президенти ҳам Эрон давлати ва халқини Исломий Инқилоб ғалабасининг 40 йиллиги муносибати билан табриклаб, Хитой Эрон билан стратегик алоқаларини кенгайтиришни хоҳлайди,- деб таъкидлади.
Эрон ва Хитой тарихий ва қадимий алоқаларга эга ва ўзаро ҳамкорликларни кенгайтириш йўлида ҳаракат қилиб келган. Америка томонидан Эронга қарши жорий этилган санкциялар даврида Эрон билан Хитой ўртасидаги иқтисодий ҳамкорликларнинг ривожланиши икки мамлакат ўртасидаги стратегик муносибатларнинг нишонасидирким, Хитой президенти Эрон парламентининг раиси билан учрашганида унга ишора этиб ўтди.
Америка Эрон Ислом Жумҳуриятига қарши турли иқтисодий санцияларни жорий этиш билан бу мамлакатни яккалантириб қуйишга ҳаракат қилаётган бир пайтда, Эрон парламенти раиси Лорижоний ва у билан бирга сафар қилган Эрон олий мартабали ҳайатининг Хитой президенти билан учрашуви Теҳрон ва Пекин алоқаларининг аҳамиятга молик эканлигидан далолат беради. Хитой доим Американинг Эронга қарши жорий этган санкциялари даврида ҳам Эрон билан бирга эди ва бу сиёсатнинг паёми Американинг биртомонлама ва зўравонлик сиёсатларига қарши тўришдан иборат.
Бу ҳақда Эроннинг Хитойдаги собиқ элчиси Сайид Ҳусейн Малоик чоршанба куни Эронга қарши Американинг жорий этган санкциялари ва бу санкциялар баробарида Хитой давлатининг амалга оширган сиёсатига ишора этиб, Хитой Американинг биртомонлама санкцияларини расмий равишда тан олмайди ва Эрон билан ўзининг савдо-сотиқ алоқаларини турли йўллар билан муҳофазат қилиш учун имкониятга ҳам эга,-деб таъкидлади.
Хитой президентининг Эрон билан ҳамкорликларни кенгайтириш аҳамиятига ишора этиши Эрон баробарида Американинг нотўғри сиёсати билан хитойликларнинг мухолиф эканликлари маъносидадир. Хитой тижорат ва иқтисод бозорларида тасирчан ва жаҳон қудрати унвонида доим бошқа мамлакатларнинг ички ишларига дахолат этиш билан мухолиф эди.
Кўптомонлама ҳамкорликлар ва жаҳонда тинчликни барқарор этиш масаласида Эрон ва Хитойнинг нуқтаи назари муштаракдир ва бу масала эса турли соҳаларда икки мамлакатнинг ҳамкорликларини кенгайтиришни муҳим масалага айлантирган.
Эрон Исломий парламент раиси билан бирга Хитойга сафар қилган олий мартабали ҳайатнинг паёми шундан иборатки, ҳеч қандай босим ва таҳдид икки мамлакат ўртасидаги стратегик ҳамкорликларга тасир етказа олмайди.
Россия билан бирга Эрон ядровий келишувни сақлаб қолиш учун Хитойнинг ҳамкорлик қилиши шуни кўрсатдики, Эрон шарқига эътибор қаратиш сиёсати мантиқий сиёсатдир. Дунё имкониятларидан унумли ва турлича фойдаланиш Эроннинг хорижий сиёсатида муҳим аҳамиятни касб этади. Эрон парламенти раиси билан бирга давлат ва парламент ҳайати сатҳида Хитойга сафар қилиш бу сиёсатни яққол намоён этади.
