Қозоғистонлик болакай Криштиану Роналду билан учрашди (Видео)

Қозоғистонлик Aли Турганбеков Португалия терма жамоаси ва "Ювентус" ҳужумчиси Криштиану Роналду билан учрашди.

Aли Турганбеков оёқсиз туғилган. У Роналду билан биргаликда тўп ўйнаб суратга тушди. UFC чемпиони Хабиб Нурмагомедов эса уларнинг видео ва фотосуратларни Инстаграмга жойлаштирди.

"Шунинг учун ҳам сен дунёда энг яхшисисан... Криштиану, сенга катта раҳмат. Сен менинг укамни хурсанд қилаяпсан», - деб ёзди Ҳабиб.

Эслатиб ўтамиз, яқинда Ҳабиб Нурмагомедов ва Aли Алматида учрашишди. Али унга "ПСЖ" футболчиларининг дастхатлари ёзилган тўпни совға қилди.

Бунгача қозоғистонлик Али футбол афсоналари бразилияликлар Кафу, Хулио Сезар, Бебето, шунингдек, қозоқ тилида сўзлашган испанияликХави билан ҳам учрашди.

"Бу одам менинг орзуимни амалга оширди! Аллоҳнинг иродаси билан у менинг сафарларимни уюштирди! Сизга катта раҳмат!" деб ёзди Али Турганбеков.