Американинг Perseverance марсоходи Марсга муваффақиятли қўнди

Американинг Perseverance тадқиқот аппарати Марсга муваффақиятли қўнишни амалга оширди, деб ёзади «РБК». АҚШ Аэронавтика ва коинотни тадқиқ қилиш миллий бошқармаси (NASA) жараённи тўғридан-тўғри трансляция қилди.

Қўниш тахминан етти дақиқа давом этган. Бу вақт мобайнида барча операциялар автоматик режимда амалга оширилди. NASA’дагилар маълум қилишича, аппаратнинг ҳаракатланиш тезлигини пасайтириш учун унинг парашюти очилган, кейинроқ эса марсоходнинг уни юқори ҳароратлардан ҳимоя қилишга мўлжалланган қопламаси ажралиб чиққан. Қўнишнинг якуний босқичида қўниш модулининг тормоз двигателлари ишлаб кетган, шундан сўнг аппарат занжирлар орқали сайёранинг юзасига туширилган.

Аппаратни Езеро кратерига қўндириш режалаштирилган эди, у ерда аввалроқ сунъий йўлдошдан олинган маълумотлар ёрдамида катта кўлга бориб қуйилган дарё ўзанининг изи топилган эди. Олимлар фикрича, кратерда ҳаёт излари сақланиб қолган бўлиши мумкин, уларни марсоход қидиради.