Эрон мезейларига саёҳат (13)
Саъдобод маданий-тарихий мажмуаси, Теҳрон, иккинчи қисм
Саъдобод тарихий-маданий мажмуаси ҳақида иккинчи дастур.
- Саъдобод тарихий мажмуасида 18 та сарой мавжуд. Бу мажмуадаги энг муҳим саройлардан бири “Миллат” деб аталади, бу Саъдобод мажмуасидаги энг катта саройдир.
- Илгари Оқ уй ва Хусусий сарой каби номлар билан аталган Миллат сарой музейи 7000 квадрат метрга яқин инфратузилмага эга. У 1940 йилда фойдаланишга топширилган.
– Миллат саройида қимматбаҳо буюмлар ва асбоблар сақланади. Бу энг чиройли ва қимматбаҳо қўлда тўқилган гиламлардан бири бўлиб, у билан саройнинг турли заллари безатилган. Ушбу саройнинг энг катта гилами 145 квадрат метр бўлиб, 140 қатордан иборат бўлиб, сарой овқатхонасида ёйилган.
– Саройнинг катта тантана заллари сўнгги икки асрдаги Европа саройлари, айниқса, франсуз аристократик услубида безатилган. Чет эл ва Эрон расмийларининг Паҳлавий саройига совғалари ҳам ушбу тўпламнинг яна бир қисмидир.
– Миллат саройининг бир қисми Халқлар санъати музейига бағишланган. Ушбу музейнинг асарлари турли бўлимларга бўлинган. Шу жумладан; Исломгача бўлган сивилизациялар, Ислом даври, Африка санъати, Ҳиндистон, Узоқ Шарқ, Майя ва Эрон ва жаҳоннинг замонавий санъати!
– Саъдобод мажмуасининг яна бир қисми “Мир Имод хаттотлик музейи” деб номланади. Асл бино охирги Қожар даврига тегишли. Қайта қуришдан кейин хаттотлик музейига айлантирилган. Музей биноси икки қаватли бўлиб, анъанавий Эрон ва Европа меъморчилиги уйғунлашган ҳолда қурилган. Ушбу музейда Эроннинг атоқли хаттоти Мир Имоднинг гўзал асарларидан ташқари хаттотлик тарихи билан ҳам танишиш, Эрон хаттотларининг энг гўзал асарларини кўриш мумкин.
- Сув музейи ушбу мажмуанинг яна бир ажойиб қисмидир. Ушбу музейнинг майдони тахминан 2670 квадрат метрни ташкил қилади. У учта қисмдан иборат бўлиб, улар асосий бино, кичикроқ ён бино ва энг охирида музейнинг очиқ майдонини ўз ичига олади. Сув музейида сиз сув ва суғориш билан боғлиқ барча нарсаларни яқиндан кўришингиз ва эронликларнинг бу соҳадаги ютуқлари билан танишишингиз мумкин.
- Саъдобод мажмуасининг яна бир эски биноси Аҳмад Шоҳи павилони деб аталади. Бу павилон охирги Қожарлар даврида қурилган ва Аҳмадшоҳ Қожарнинг ёзги қароргоҳи сифатида фойдаланилган. Эрондаги павилёнлар боғлардаги энг муҳим меъморий элемент ҳисобланади. Улар одатда тўрт томондан кўриш мумкин ҳолда ясалган.
