Эрон глобал озиқ-овқат инқирозида БМТнинг ҳаракатларини қўллаб-қувватлайди

пайшанба куни Эроннинг БМТдаги элчиси ва доимий вакили Мажид Тахтравончи бутун дунё озиқ-овқат танқислигидан зарар кўраётганини таъкидлаб, шундай деди: Эрон Ислом Жумҳурияти БМТнинг озиқ-овқат хавфсизлигини бартараф этишга қаратилган саъй-ҳаракатларини қўллаб-қувватлайди.

Тахтравончи Хавфсизлик кенгашининг озиқ-овқат хавфсизлиги ва можаролар бўйича йиғилишида шундай деди: Озиқ-овқат хавфсизлиги, иқлим ўзгариши, Ковид19 эпидемияси ва турли халқаро можароларнинг салбий оқибатлари кўплаб мамлакатларга, жумладан, қирқ йилдан кўпроқ вақт давомида АҚШ санкцияларидан азият чекаётган Эронга таъсир кўрсатди.

Эроннинг БМТдаги элчиси Украина уруши туфайли буғдой, маккажўхори ва мойли ўсимликлар каби стратегик озиқ-овқат маҳсулотларининг мисли кўрилмаган тақчиллиги ва асосий ишлаб чиқарувчи мамлакатлар, яъни Россия ва Украинадаги бу маҳсулотларнинг ишлаб чиқариш ва экспортига салбий таъсири туфайли дунёдаги озиқ-овқат инқирозига ишора қилади. Икки давлат биргаликда буғдойнинг 30% ва мойли ўсимликларнинг 80% га яқинини ишлаб чиқаради ва экспорт қилади, уларнинг кўпчилиги Африка ва Ғарбий Осиёга мўлжалланган. Россия кимёвий ўғитлар экспорт қилувчи давлатлардан бири ҳисобланади ва Ғарбнинг Россияга қарши кенг кўламли санкциялари ушбу муҳим маҳсулотнинг дунё қишлоқ хўжалиги секторига экспортини тўхтатиб қўйди.

Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФАО) бош директори Чу Донггио, Жаҳон озиқ-овқат нархларининг ошиб кетишига ишора қилиб, шундай деди: Россия ва Украина жаҳон ғалла бозорининг муҳим ўйинчилари бўлиб, икки давлат ўртасидаги уруш озиқ-овқат маҳсулотлари, хусусан, буғдой, маккажўхори ва мойли ўсимликларнинг жаҳон нархларининг ошишига асосий омил бўлди. Ушбу ўсиш корона тарқалишининг камайиши натижасида ушбу маҳсулотларга бўлган талаб ва уларни ишлаб чиқариш харажатлари ошган пайтда содир бўлди.

Албатта, бу инқирозга дунёнинг турли бурчакларида ёмғир ёғиш тартибини ўзгартирган иқлим ўзгариши ва узоқ муддатли қурғоқчилик каби узоқ муддатли омиллар сабаб бўлди. Шу билан бирга, коронавирус эпидемияси кўплаб мамлакатларнинг иқтисодий ўсишига салбий таъсир кўрсатди ва натижада уларнинг ишлаб чиқариш соҳасига, жумладан, қишлоқ хўжалиги фаолиятига ҳам таъсир кўрсатди. Шу билан бирга, Корона эпидемиясининг нисбий тугаши озиқ-овқатга глобал талабни оширди. БМТ Бош котиби Антониу Гутерриш "озиқ-овқат инқирози" конференсияда шундай деди: Атиги икки йил ичида озиқ-овқат таъминотидан азият чекканлар сони икки баравар кўпайди, эпидемиядан олдинги 135 миллион кишидан 276 миллионга етди. Ярим миллиондан ортиқ одам очарчиликда яшайди, бу 2016-йилдан буён 500 фоиздан ошган.

Буларнинг барчаси дунёда, хусусан, Эрон ҳам жойлашган Ғарбий Осиё минтақасида минтақавий можароларнинг юзага келиши ва давом этиши билан бирга, бу нозик минтақада озиқ-овқат хавфсизлиги масаласининг жуда долзарб бўлиб кетишига сабаб бўлди. Шу муносабат билан Эроннинг БМТдаги доимий вакили шундай деди: Афғонистонда 22 миллион киши озиқ-овқат таъминотидан азият чекмоқда ва ёрдамга жуда муҳтож. Шунингдек, 2022-йил бошида Ямандаги ўткир озиқ-овқат хавфсизлиги 2021-йил бошига нисбатан инқирозга учраган одамлар сонининг 8 фоизга кўпайиши билан ёмонлашди. Фаластиндаги гуманитар вазият ўнлаб йиллар давом этган ишғол ва Исроил режимининг инфратузилмани бузиш ва ҳаётий ресурсларга киришни чеклаш билан боғлиқ апартеид сиёсати туфайли ёмонлашди.

Дунёда озиқ-овқат инқирози муаммоси Бирлашган Миллатлар Ташкилоти томонидан алоҳида эътиборга сазовор бўлиб, ушбу халқаро ташкилот ваколатлари, жумладан, Бирлашган Миллатлар Ташкилоти Бош котиби, Бирлашган Миллатлар Ташкилотининг Озиқ-овқат дастури ва Жаҳон озиқ-овқат ва қишлоқ хўжалиги ташкилоти ( ФАО) бу ҳақда огоҳлантирган.

БМТ Озиқ-овқат дастури ижрочи директори Девид Бисли шундай деди: Ҳозир биз ёқилғи нархининг ошишини кўрамиз; Шунингдек, озиқ-овқат нархини ошиши, транспорт нархини ошиб кетиши. Бу ҳозир, айниқса, дунёнинг камбағал халқлари учун тартибсизликни келтириб чиқармоқда. Аммо бу муаммолар фақат камбағалларгагина тегишли бўлиб қолмайди. ФАО бош директори Украина урушидан кейин глобал озиқ-овқат хавфсизлиги ҳолатини тушунтирар экан, яқин ойларда озиқ-овқат маҳсулотларининг жаҳон нархлари ошишини башорат қилмоқда.

24-май, Хуррамшаҳр озод қилинганининг йиллиги; Қаршилик, фидокорлик ва ғалаба куни